وزیر اعلیٰ خیبرپختونخوا نے لوڈ شیڈنگ ختم کرنے کیلئے وفاقی حکومت کو ڈیڈلائن دیدی

(24 نیوز)وزیر اعلیٰ خیبرپختونخوا سردار علی امین گنڈاپور نے صوبے میں لوڈ شیڈنگ ختم کرنے کےلئے وفاقی حکومت کو آج رات تک شیڈول جاری کرنے کی ڈیڈلائن دیدی۔
ویڈیو پیغام میں وزیراعلیٰ خیبرپختونخوا نے کل پیسکو دفتر کا انتظام سنبھالنے کی وارننگ دیتے ہوئے کہا کہ آج رات تک لوڈشیڈنگ کم نہ ہوئی تو کل پیسکو کا انتظام سنبھال لوں گا، وفاقی حکومت اور وزیر توانائی کو پیغام دے رہا ہوں،ان کا کہناتھا کہ متعدد بار بجلی کی لوڈشیڈنگ کا مسئلہ حل کرنے کا کہا ہے،آپ سے شرافت کی زبان استعمال کریں تو ہمیں کمزور سمجھتے ہیں،پیسکو چیف اگر کے پی میں رہے گا تو میرے شیڈول کے مطابق چلے گا۔
علی امین گنڈاپور نے کہاکہ جہاں 22 گھنٹے کی لوڈشیڈنگ ہے وہاں 5 سے 6 گھنٹے کا ریلیف دیں،جہاں 16گھنٹے کی لوڈشیڈنگ ہے وہاں 12 گھنٹے کریں،آپ جسے چوری کہہ رہے ہیں وہ پیسے کٹوتی کرو اور میرا حق دو، یہ میری وارننگ نہیں میری ٹائم لائن ہے،ان کا کہناتھا کہ مینڈیٹ چوری کرنے کے بعد صوبے کیساتھ زیادتی کررہے ہیں،رات تک شیڈول تبدیل کریں ورنہ سارے گرڈ ٹیک اوور کروں گا۔

@24newshdofficial Final Warning ! #24news #imrankhan #aliameengundapur #fyp #foryou #foryoupage #capcut #whattowatch #longervideos ♬ original sound - 24newshdofficial

یہ بھی پڑھیں: القادر ٹرسٹ کیس میں نیب کے اعترافی بیان کے بعد اسلام آباد ہائیکورٹ نے عمران خان کی بریت کا فیصلہ جاری کر دیا