نائجیریا: کشتی حادثے میں 100 سے زائد افراد ہلاک

(ویب ڈیسک) نائیجیریا میں کشتی الٹنے سے 100 سے زائد افراد ہلاک جبکہ 100 افراد کو بچا لیا گیا۔

غیر ملکی خبر رساں ایجنسی کے مطابق شمالی نائیجیریا میں شادی کی تقریب سے واپس آنے والی کشتی کو حادثہ پیش آیا اور باراتیوں سے بھری کشتی ریاست کوارا میں دریائے نائجر میں الٹ گئی۔

پولیس نے 100 افراد کی ہلاکت کی تصدیق کرتے ہوئے کہا کہ زندہ بچ جانے والوں کی تلاش ابھی بھی جاری ہے۔

یہ بھی پڑھیے: بائپر جوائےسے تباہی کا آغاز، 3 افراد ہلاک،ہزاروں بے گھر ہوگئے

حادثہ صبح 3 بجے کے قریب پیش آیا جس کا علم گھنٹوں بعد ہوا، اسی وجہ سے متاثرین کو بروقت نہیں بچایا جاسکا۔

مقامی رہائشی کا کہنا تھا کہ متاثرین میں خواتین اور بچے بھی شامل ہیں اور یہ ہمسایہ ریاست نائیجر کے ایگبوتی گاؤں میں رات بھر جاری شادی کی تقریب سے واپس آ رہے تھے۔