بنکاک: اچانک کیبل ٹوٹ کر گرنے سے موٹر سائیکل سوار کے ساتھ حادثہ

(ویب ڈیسک) تھائی لینڈ میں ایک مصروف سڑک پر اچانک کیبل ٹوٹ کر گرنے سے ایک موٹر سائیکل سوار کے ساتھ حادثہ پیش آ گیا۔

تفصیلات کے مطابق سڑکوں پر لٹکتی تاریں بعض اوقات خطرناک حادثات کا سبب بن جایا کرتی ہیں، ایسا ہی ایک واقعہ 5 اپریل کو بنکاک میں پیش آیا، جب ایک ٹینکر کی ٹکر سے ٹوٹنے والا کیبل بائیک رائڈر کے لیے دل دہلا دینے والے حادثے کا سبب بن گیا۔

مزید پڑھیں: واٹس ایپ صارفین کیلئے خوشخبری،مزیدنئے فیچرز متعارف

ویڈیو میں دیکھا جا سکتا ہے کہ بجلی کی تار تیز رفتار بائیک میں الجھی اور سوار بری طرح روڈ پر آ گرا۔

خوش قسمتی سے ہیلمٹ کی وجہ سے اسے سر پر چوٹ نہیں آئی اور وہ بڑے نقصان سے بچ گیا، تاہم حادثے کی وجہ سے اس کے تمام جسم میں چوٹیں لگ گئی تھیں، جس پر اسے طبی امداد کے لیے اسپتال میں داخل کیا گیا۔