رمضان میں شیطان بند ہوتا ہے اور ملزموں کو ضمانت مل رہی ہے، سپریم کورٹ

 (24نیوز)سپریم کورٹ کے فاضل جج جسٹس قاضی امین نے مقدمے کی سماعت کے دوران ریمارکس دیئے کہ رمضان میں شیطان بند ہوتا ہے اور ملزمان کو ضمانت مل رہی ہے۔قومی مفاد میں نیب کے اقدامات پر بات ہوسکتی ہے۔

سپریم کورٹ میں محکمہ بلدیات سندھ کے 200 سے زائد ملازمین کی عبوری ضمانتوں کی درخواست پر سماعت ہوئی۔ سپریم کورٹ نے عبوری ضمانتیں منظور کرتے ہوئے تمام ملزموں کو سندھ ہائی کورٹ سے رجوع کرنے کی ہدایت کردی۔ عدالت عظمیٰ نے قرار دیا کہ سندھ ہائی کورٹ میرٹ پر تمام کیسز کا جائزہ لے کر فیصلہ دے۔

دوران سماعت جسٹس قاضی امین نے ریمارکس دیئے کہ پاکستان واحد ملک ہے جہاں ضمانت قبل ازگرفتاری 2،2 سال برقرار رہتی ہے، یہ دنیا کا واحد ملک ہے جہاں فوجداری نظام انصاف کا یہ حال ہے، سندھ ہائی کورٹ نے ملزمان کو کہا کہ پیسے جمع کراؤ اور گھر جاوَ۔جسٹس قاضی امین نے ریمارکس دیئے کہ رمضان میں شیطان بند ہوتا ہے اور ملزموں کو ضمانت مل رہی ہے، ملزموں کے ساتھ یکساں سلوک ہونا چاہیے، قومی مفاد میں نیب کے اقدامات پر بات ہوسکتی ہے۔

یہ بھی پڑھیں: شہبازشریف کو لاہور ہائیکورٹ سے بڑا ریلیف مل گیا !!!