پٹرول مہنگا یا فنڈز کی کمی،سپلائی بند کر دی گئی

(24نیوز)پٹرول مہنگا یا فنڈز کی کمی،رنگ روڑ پولیس کی گاڑیوں کو بریک لگ گئی،پٹرولنگ پولیس،بریک ڈاون اور لفٹر سمیت دفتری سٹاف کو پٹرول کارڈ استعمال کرنے سے روک دیا گیا۔

رنگ روڑ پولیس کی گاڑیوں کو بریک لگ گئی،پولیس ذرائع کے مطابق رنگ روڑ پولیس نے پٹرولنگ گاڑیوں کو گشت کرنے سے روک دیا گیا،رنگ روڑ پولیس نے پٹرولنگ گاڑیوں،بریک ڈاون اور لفٹر کے پٹرول کارڈ بند کر دیے اور دفتری سٹاف کو بھی پٹرول کارڈ استعمال کرنے سے روک دیا گیا۔

رنگ روڑ پولیس حکام کی جانب سے رنگ روڑ پولیس کو پٹرولنگ گاڑیوں کو سٹیٹک رہنے کا حکم دیا گیا ہے،رنگ روڑ پولیس حکام نے افسران و عملے سے پٹرول کارڈ واپس لے لئے اورایمرجنسی اور کال کی صورت میں قریبی ٹیم کو رسپانڈ کرنے کا حکم دے دیا گیا،پٹرول نہ ملنے پر پٹرولنگ افسران،جونیئر پٹرولنگ آفیسرز اور عملہ پریشانی کا شکار ہے۔