ملکہ برطانیہ تلوار سے کیک کاٹنے میں ناکام، کیٹ مڈلٹن ہنسی نہ روک سکیں، ویڈیو وائرل

(ویب ڈیسک) برطانوی شاہی خاندان کی موجودہ سربراہ ملکہ الزبتھ کے انوکھے انداز سے کیک کاٹنے کی ویڈیو سوشل میڈیا پر وائرل ہوگئی۔
برطانوی میڈیا رپورٹ کے مطابق جمعے کے روز جنوبی شہر کارنوال میں دنیا کی 7 بڑی معیشتوں والے ممالک (جی سیون گروپ) کا سربراہی اجلاس ہوا۔اس اجلاس میں روایت کے طور پر کیک کاٹا جاتا ہے، ملکہ برطانیہ نے یہ رسم ادا کی مگر انہوں نے چھری کی جگہ تلوار سے کیک کاٹنے پر اصرار کیا۔ملکہ الزبتھ کا اصرار تھا کہ وہ تلوار ہی سے بڑا کیک کاٹیں گی۔ اس دوران ان کے ساتھ شہزادہ ولیم کی اہلیہ کیٹ مڈلٹن اور کارنوال کامیلا بھی موجود تھیں۔
ملکہ برطانیہ کو محافظ نے تلوار لا کر دی تو انہوں نے الٹی تلوار سے ہی کیک کاٹنے کی کوشش کی تو شہزادی کیٹ مڈلٹن اپنی ہنسی ضبط نہ کرسکیں۔ اس دوران تقریب میں شریک دیگر مہمان بھی مسکرا رہے تھے۔ملکہ الزبتھ نے الٹی تلوار کیک پر رکھی اور اسے کاٹنے کی کوشش کی تو پاس میں کھڑی خاتون نے بتایا کہ اس کام کیلئے چاقو بھی دستیاب ہے۔اس پر ملکہ نے جواب دیا ’جی ہاں! میں جانتی ہوں کہ چاقو بھی موجود ہے‘۔ انہوں نے شاہی روایت کو برقرار رکھتے ہوئے تلوار سے کیک کاٹنے کا سلسلہ جاری رکھا، اس دوان انہیں مشکل بھی پیش آئی۔
اس تقریب کی میزبانی ملکہ الزبتھ نے کی، جس میں جی سیون ممالک کے سربراہان نے بطور مہمان شرکت کی۔ اس موقع پر ملکہ کی امریکی صدر جوبائیڈن اور ان کی اہلیہ جِل بائیڈن سے بھی ملاقات ہوئی۔

یہ بھی پڑھیں:  سعودی خواتین کو تنہا رہنے کا حق حاصل ہوگیا

The Queen cheekily refuses a knife and cuts a cake with a SWORD saying 'it's more unusual' pic.twitter.com/B7goHumjMJ

— The Sun (@TheSun) June 12, 2021