ن لیگ کو بڑا جھٹکا لگ گیا: 10ارکان کی رکنیت معطل ہونے کا امکان

(ویب ڈیسک)  پنجاب اسمبلی میں توڑ پھوڑ کے معاملہ پر 10 اہم مسلم لیگ ن کے ممبران  کی رکنیت معطل کئے جانے کا امکان ہے۔ توڑ پھوڑ پر معطلی کا پہلا لیٹر 6 اپریل اور دوسرا لیٹر 7 اپریل کو جاری کیا گیا تھا۔

تفصیلات کےمطابق صوبہ پنجاب میں قائد ایوان کے انتخاب کے موقع پر پنجاب اسمبلی میں ہنگامہ آرائی اور توڑ پھوڑ کرنے پر اپوزیشن کے 10 ممبران کی رکنیت معطل کئے جانے کا امکان ہے۔ ان ارکان میں رانا مشہود، خواجہ عمران نذیر، سمیرا کومل، عظمیٰ بخاری، خلیل طاہر سندھو، زیب النسا اعوان، رانا لیاقت، صبا صادق، راحیلہ خادم حسین اور طارق مسیح گل کا نام بھی شامل ہے۔

ذرائع اسمبلی سیکرٹریٹ نے بتایا کہ توڑ پھوڑ پر معطلی کا پہلا لیٹر 6 اپریل اور دوسرا لیٹر 7 اپریل کو جاری کیا گیا تھا، رکینت معطل ہونے پر ان تمام ارکان کو اسمبلی میں  داخلے سے روک دیا جائے گا، انکوائری کمیٹی نے خفیہ کیمروں اور ظاہری ثبوت کی روشنی میں رپورٹ بنائی ہے۔

معطل لیگی رہنماؤں کا کہناتھا کہ ہم نے کوئی توڑ پھوڑ نہیں کی،ہم نے مطالبہ کیا ہے کہ پنجاب اسمبلی میں میڈیا کو اجازت دی جائے۔ہم اور ہماری قیادت قانون کو ماننے والے ہیں۔
یہ بھی پڑھیں: وزیراعظم کا کراچی میں مصروف دن،مزار قائد پر حاضری اور ایم کیوایم قیادت سے ملاقات