خیبرپختونخوا کابینہ میں توسیع ۔۔4 نئے وزراء نے حلف اٹھالیا
Stay tuned with 24 News HD Android App
(24نیوز) خیبرپختونخوا کابینہ میں توسیع کر دی گئی، چار نئے وزراء نے حلف اٹھالیا۔ گورنر شاہ فرمان نے وزراء سے حلف لیا۔
حلف برداری کی تقریب گورنر ہاؤس پشاور میں ہوئی۔عاطف خان، شکیل احمد خان، فضل شکور اور فیصل امین گنڈا پور نے بحیثیت صوبائی وزیر حلف اٹھا لیا۔ گورنر خیبر پختونخوا شاہ فرمان نے چاروں وزراء سے حلف لیا۔ وزیراعلیٰ محمود خان بھی حلف برداری تقریب میں موجود تھے۔وزراء کے قلمدانوں کا اعلان بعد میں کیا جائیگا۔ وزراء نے حلف اٹھانے کے بعد حلاف ناموں کی دستاویزات پر دستخط کئے۔ حلف برداری تقریب میں صوبائی وزراء، ارکان صوبائی اسمبلی، چیف سیکرٹری ڈاکٹر کاظم نیاز سمیت مختلف محکموں کے انتظامی سربراہوں نے شرکت کی۔
یہ بھی پڑھیں:عید کے بعد تمام پاکستانیوں کے لئے ویکسینیشن کھول دیں گے: اسد عمر