پاک نیوزی لینڈ دوسرا ون ڈے، کیا ناقص فیلڈنگ شکست کی وجہ بنی؟

(ویب ڈیسک) پاکستان کرکٹ ٹیم کے آل راؤنڈر محمد نواز نے نیوزی لینڈ کے خلاف دوسرے ون ڈے انٹرنیشنل میچ میں ٹاس ہارنے اور ناقص فیلڈنگ کو پاکستان کی شکست کی وجوہات قرار دے دیا۔

میچ کے بعد میڈیا سے گفتگو کرتے ہوئے محمد نواز نے کہا کہ قومی کپتان بابراعظم نے اچھی کارکردگی کا مظاہرہ کیا تاہم ہمارے دیگر کھلاڑی توقعات پر پورا اترنے میں ناکام رہے۔

ان کا کہنا تھا کہ پاکستان کی طرف سے اچھی بولنگ کا مظاہرہ کیا گیا ہے البتہ متعدد اہم کیچز ڈراپ کردیے گئے۔ اگر وہ کیچ نہ چھوڑے جاتے تو میچ کی صورتحال مختلف ہوتی۔

یہ بھی پڑھیے: دوسرا ون ڈے،نیوزی لینڈ نے پاکستان کو  شکست دیدی 

محمد نواز نے کہا کہ وہ اپنی ذاتی کارکردگی سے بہت خوش ہیں، بہتر سے بہتر پرفارمنس دے کر توقعات پر پورا اترنے کی کوشش کرتے ہیں۔

انہوں نے امید ظاہر کی کہ پاکستان تیسرے اور آخری ون ڈے انٹرنیشنل میچ میں جیت سے ہمکنار ہو کر سیریز اپنے نام کرنے میں کامیاب ہو جائے گا۔