ایک دن کی حکومت ملے تو کیا کرینگی۔۔بشری انصاریٰ کا دلچسپ جواب؟

 (مانیٹرنگ ڈیسک) ورسٹائل سینئر اداکارہ بشری انصاری نے بتا دیا  کہ اگر انہیں ایک دن کے لیے حکومت ملی تو وہ کیا کریں گی۔

 تفصیلات کے مطابق ایک انٹرویو میں بشری انصاری نے کہا کہ مجھے ایک دن کے لیے حکومت ملے تو میں سوشل میڈیا بند کرادوں گی، ہمارے ترقی پزیر ملک کو ابھی بہت کام کرنا ہے، بچوں کو پڑھانا ہے لیکن بچے تو پڑھ ہی نہیں رہے، وہ پڑھے بغیر ہی پیسے کمارہے ہیں۔ بچوں کی ساری توجہ پڑھائی پر ہونی چاہیے، اس کے بعد یہ ساری چیزیں آتی ہیں۔

 واضح رہے انہوں نے کہا کہ میں کوئی بہت زیادہ سمجھدار نہیں تھی لیکن مجھے اپنی ترجیحات کا پتہ تھا، میں اپنے گھر بار اور بچوں کے بعد ملنے والے فارغ وقت میں کام کرتی تھی، میں نے اپنے کیرئیرمیں صرف 25 فی صد کام کیا ہے 75 فیصد وقت اپنے گھر اور بچوں کو دیا ہے۔

 یہ بھی پڑھیں:    سکھ لڑکی نے اسلام قبول کرکے مسلمان نوجوان سےشادی کر لی