عمران خان نے اپنی ناکامی کا اعتراف کرلیا

(24 نیوز )چیئرمین پی ٹی آئی عمران خان نے کہا ہے کہ وہ اپنے دور حکومت میں قانون کی حکمرانی کا نفاذ نہیں کرسکے۔

جرمن  میڈیا کو دیے گئے انٹرویو میں ان کا کہنا تھا  کہ  ڈاکٹرز نے 6 ہفتوں کے آرام کا مشورہ دیا ہے اور صحتیابی میں 4 ہفتے لگ سکتے ہیں۔ پی ٹی آئی کی مقبولیت کی وجہ سے موجودہ حکومت نے سب سے زیادہ دھمکیاں دیں، موجود حکومت مجھے ہٹانا چاہتی تھی اور مجھے سازش کے تحت ہٹایا، ان کا مقصد مجھے راستے سے ہٹانا ہے۔

ضرور پڑھیں : کون بنے گا آرمی چیف ؟ صلاح مشورے شروع

سابق وزیراعظم کا کہنا تھاکہ میں اپنے خلاف سازش کے بارے میں جانتا ہوں، یہ سب دو ماہ پہلے شروع کیا گیا جب کہ مذہب کی بنیاد میں مجھے قتل کرنے کی سازش بنائی گئی۔ مجھے یقین ہے آئندہ الیکشن میری جماعت جیتے گی، حکومت کےخلاف مارچ آئین کے مطابق ہے اور یہ ہمارا حق ہے۔

چیئرمین پی ٹی آئی کا کہنا تھا کہ میری حکومت آئینی طریقے سے نہیں ہٹائی گئی، میری حکومت الیکشن نہیں آکشن کے ذریعے ہٹائی گئی جو غیرآئینی تھا، افسوس ہے اپنے دور حکومت میں قانون کی حکمرانی کا نفاذ نہ کرسکا۔