انگلینڈ کی74 سالہ کرسٹین اور تیونس کے 34 سالہ حمزہ کی محبت کی شادی
Stay tuned with 24 News HD Android App
(24نیوز)کہتے ہیں محبت میں عمر ، قومیت، رنگ ونسل حتیٰ کہ معاشرتی اصول وضوابط بھی معنی نہیں رکھتے۔
انگلینڈ کے شہر لیڈز کی رہائشی 74 سالہ کرسٹین ہیکوکس اور ان کے 34 سالہ تیونسی شوہر حمزہ دریدی کی محبت کی انوکھی کہانی اس سچائی کا منہ بولتا ثبوت ہے۔
اس انوکھی محبت کی کہانی کا آغاز 2018 میں اس وقت ہوا جب کرسٹین نے فیس بک پر انگریزی سکھانے کا اشتہار شائع کروایا۔
حمزہ جو کہ انگریزی سیکھنے میں دلچسپی رکھتے تھے انہوں نے کرسٹین سے رابطہ کیا لیکن جلد ہی یہ آن لائن کلاس لمبی گفتگو اور پھر محبت میں بدل گئے۔
میڈیا رپورٹس میں بتایا گیا ہےکہ کرسٹین سے لی جانے والی آن لائن کلاسز کے 6 ہفتوں کے دوران ہی حمزہ اور کرسٹین ایک دوسرے کی محبت میں دیوانے ہوگئے جس کے بعد کرسٹین حمزہ سے ملنے ایک مختصر دورے پر تیونس پہنچیں لیکن اس مختصر دورے کے دوران کرسٹین ہمیشہ کیلئے تیونس کی ہوکر رہ گئیں۔
میڈیا رپورٹس کے مطابق جوڑا دسمبر 2020 میں شادی کرچکا ہے اور گزشتہ کئی سالوں سے ایک ساتھ تیونس میں ہی مقیم ہیں جب کہ کرسٹین 2021 میں اسلام قبول کرچکی ہیں۔
34 سالہ حمزہ کا اپنی اہلیہ کرسٹین کے حوالے سے کہنا ہے کہ کرسٹین ایک اچھی بیوی ہے، وہ میری ملکہ ہے، مجھے اس کی شخصیت اور ذہانت پسند ہے۔
رپورٹس کے مطابق کرسٹین کی پہلی شادی 2003 میں طلاق پر ختم ہوئی تھی، اس کی پہلی شادی سے 2 بچے ہیں۔