چیئرمین سروس لانگ مارچ ٹائرز کی وزیراعظم سے ملاقات، مزید 300 ارب کی سرمایہ کاری کا اعلان
Stay tuned with 24 News HD Android App
(24 نیوز) چیئرمین سروس لانگ مارچ ٹائرز گروپ نے وزیراعظم سے ملاقات کی اور پاکستان میں مزید 300 ارب کی سرمایہ کاری کرنے کا نوید سنائی۔
وزیرِ اعظم محمد شہباز شریف کی قیادت میں حکومت کی کاروبار و سرمایہ کار دوست پالیسیوں کی بدولت پاکستان میں سرمایہ کاری کا تسلسل جاری ہے، وزیرِ اعظم محمد شہباز شریف سے چیئرمین سروس لانگ مارچ ٹائرز گروپ جن یانگشینگ نے لاہور میں ملاقات کی، ملاقات میں وفاقی وزیرِ خزانہ محمد اورنگزیب اور وفاقی وزیرِ اطلاعات و نشریات عطاء اللہ تارڑ بھی شریک تھے.
یہ بھی پڑھیں: وزیراعظم سے آذربائیجان کے وزیر ماحولیات کی ملاقات، کاپ 29 اجلاس میں شرکت کی دعوت
ملاقات میں چیئرمین سروس لانگ مارچ ٹائرز گروپ نے وزیرِ اعظم کو آگاہ کیا کہ کمپنی پاکستان میں 300 ارب روپے کی مزید سرمایہ کاری کرنے جارہی ہے۔ انہوں نے مزید بتایا کہ سرمایہ کاری کے بعد 2025 میں کمپنی پاکستان سے 100 ملین ڈالر کے ٹائر برآمد کرسکے گی اور اس سرمایہ کاری سے پاکستان میں تقریباً ایک ہزار روزگار کے مواقع پیدا ہوں گے۔
چیئرمین سروس لانگ مارچ ٹائرز گروپ نے وزیرِ اعظم محمد شہباز شریف کی قیادت میں حکومت کی سرمایہ کاری و کاروبار دوست پالیسیوں پر خراج تحسین پیش کیا، اس کے علاوہ ملاقات کے دوران چیئرمین سروس لانگ مارچ ٹائرز گروپ نے ٹائرز کی سمگلنگ کے سدباب کیلئے حکومتی اقدامات پر وزیر اعظم کا شکریہ ادا کیا۔
Service Long March Tyres Group, in a meeting with Prime Minister Muhammad Shehbaz Sharif, informed that they will invest Rs 300 billion in Pakistan, creating 1,000 new jobs and boosting exports to $100 million annually by 2025.
— Government of Pakistan (@GovtofPakistan) May 10, 2024
The Prime Minister welcomed the decision,… pic.twitter.com/mvCkfCrHHH
وزیرِ اعظم نے سروس لانگ مارچ ٹائرز کے پاکستان میں اپنے آپریشنز کو وسعت دینے کے اقدام کا خیر مقدم کرتے ہوئے کہا کہ ملک میں سرمایہ کاری کے اضافے کیلئے حکومت ترجیحی بنیادوں پر اقدامات کر رہی ہے، پاکستان میں کاروباری برادری اور سرمایہ کاروں کو مزید سہولت فراہم کرنے کیلئے لائحہ عمل مرتب کیا جا رہا ہے۔