عمران خان کی صحت کے حوالے سے بشریٰ بی بی کی بہن کا اہم بیان

(ویب ڈیسک )سابق خاتون اوّل بشریٰ بی بی کی بہن مریم ریاض وٹو کا بانی پاکستان تحریک انصاف (پی ٹی آئی) عمران خان کی صحت کے حوالے سے اہم بیان سامنے آگیا۔

مریم ریاض وٹو نے سوشل میڈیا پلیٹ فارم ایکس پر لکھا کہ آج ہماری فیملی کی بشریٰ بی بی سے اڈیالہ جیل میں ملاقات ہوئی ہے جبکہ اس سے قبل عمران خان نے بھی ان سے ملاقات کی تھی۔

 انہوں نے لکھا کہ بشریٰ بی بی نے بانی پی ٹی آئی کی صحت سے متعلق شدید تشویش ظاہر کی، عمران خان کی متاثرہ آنکھ انجکشن لگنے کے بعد 10 فیصد بھی بہتر نہیں ہوئی،مریم ریاض وٹو نے مطالبہ کیا کہ بانی پی ٹی آئی تک ذاتی معالج کی رسائی فوری طور پر یقینی بنائی جائے۔

Our family met #BushraImranKhan today. Khan sahib had met her earlier today. She again expressed grave concerns about Imran Khan sahib's health.
His damaged eye has NOT improved even 10 percent after the injection.
It is ABSOLUTELY URGENT THAT IMRAN KHAN SAHIB GETS ACCESS TO…

— Maryam Riaz Wattoo (@soulful7867) February 10, 2026

 پی ٹی آئی رہنماؤں سے درخواست ہے عمران خان کی صحت پر عدالتوں سے رجوع کریں، ان کی صحت کا معاملہ انسانی حقوق تنظیموں اور عالمی میڈیا کے سامنے بھی رکھا جائے۔

 بشریٰ بی بی کی بہن نے مزید لکھا کہ بانی پی ٹی آئی کو مناسب اور فوری طبی دیکھ بھال کی ضرورت ہے۔

 یہ بھی پڑھیں : پی ایس ایل 2026، پلیئرز کی نیلامی کل ہوگی