سانحہ 9 مئی،عمران خان جی ایچ کیو حملہ کیس میں بھی گرفتار
Stay tuned with 24 News HD Android App
(24نیوز)راولپنڈی پولیس نے بانی پی ٹی آئی عمران خان کی 9 مئی جی ایچ کیو حملہ کیس میں بھی گرفتاری ڈال دی ہے۔
تفصیلات کے مطابق راولپنڈی کی انسداد دہشتگردی عدالت کے جج ملک اعجاز نے 9 مئی سے متعلق 12 مقدمات کی سماعت کی،بانی پی ٹی آئی کو اڈیالہ جیل سے وڈیو لنک کے ذریعے عدالت میں پیش کیا گیا، ساتھ ہی تمام 12 مقدمات کے ایس ایچ اوز ریکارڈ سمیت عدالت میں پیش ہوئے۔
عدالت نے عمران خان کو طلب کیا تھا تاہم جیل حکام نے انہیں پیش کرنے سے معذرت کرلی جس کے بعد ان کی ویڈیو لنک کے ذریعے پیشی یقینی بنائی گئی، دوران سماعت ایس ایچ او تھانہ آر اے بازار نے عمران خان کے جسمانی ریمانڈ کی استدعا کی جسے عدالت نے مسترد کردیا۔
یہ بھی پڑھیں: تعلیمی ادارے پھر بند، چھٹیوں میں اضافہ ہو گیا
تھانہ آر اے بازار پولیس نے عدالت کو بانی پی ٹی آئی کی جی ایچ کیو حملہ کیس میں گرفتاری سے متعلق آگاہ کیا،عدالت نے کہا کہ 9 مئی سے متعلق جتنے بھی مقدمات میں عمران خان نامزد ہیں ان کی تفتیش اڈیالہ جیل میں ہی کی جائیگی۔