گلوکار عارف لوہار کا نیا گانا ’’یار یاراں لئی‘‘ ریلیز کردیا گیا

(زین مدنی ) پاکستان کے معروف لوک اور صوفیانہ گلوکار عارف لوہار کا نیا گانا ’’یار یاراں لئی‘‘ ریلیز کردیا گیا۔

گانے کی شاعری نامور شاعر عبداللہ چلی نے لکھی ہے جبکہ موسیقی خود عارف لوہار نے ترتیب دی ہے،گانے کی موسیقی کے انتظامات سونو علی نے کیے ہیں جبکہ ویڈیو کی ہدایت کاری ارشد لوہار نے انجام دی ہے۔

یہ گانا جذبہ انٹرٹینمنٹ کے پلیٹ فارم سے ریلیز کیا گیا ہے،لوک اور پنجابی فوک سٹائل پر مبنی یہ soulful ٹریک دوستی اور یاروں کے جذبے کو اجاگر کرتا ہے۔

جی ہاں، عارف لوہار کا نیا گانا "یار یاراں لئی" (Yaar Yaaran Layi) ریلیز کردیا گیا pic.twitter.com/6uhWNgXpWg

— Mian Iftikkhar Ramey (@Dunyanews_Lhr) May 7, 2026

عارف لوہار پاکستان کے مشہور لوک اور صوفیانہ گلوکار ہیں جو معروف فنکار عالم لوہار کے بیٹے ہیں،انہوں نے چمٹے کے ساتھ پنجابی فوک موسیقی کو نئی بلندیوں تک پہنچایا اور دنیا بھر میں اپنی منفرد پہچان بنائی۔

عارف لوہار کے گانوں میں صوفیانہ، رومانوی، دوستی اور پنجابی ثقافت کے رنگ نمایاں ہوتے ہیں، وہ 150 سے زائد البمز ریلیز کرچکے ہیں اور دنیا کے مختلف ممالک میں پرفارم بھی کرچکے ہیں۔

ان کے مقبول ترین گانوں میں الف اللہ (جگنی)  جگنی، آ تینوں موج کراواں، کھاڑا اے، کاملی یار دی کاملی، اک پھل موتیے دا، چھلے اتے چھلا، میرزا، بول مٹی دیا باویا، سونئیے، ایشق دا چرکھا، لندن تے امریکہ اور رانجھنا شامل ہیں۔

ان کا گانا الف اللہ (جگنی) صوفی شاعر سلطان باہو کے کلام پر مبنی تھا جو 2010 میں بے حد مقبول ہوا جبکہ جگنی بھی شائقین موسیقی میں خاصی پذیرائی حاصل کرچکا ہے۔

یہ بھی پڑھیں :  اکشے کمار کی ممبئی میں آنکھوں کی سرجری، کام سے وقفہ لینے کا فیصلہ