دلیپ صاحب کیلئےدعاؤں کا شکریہ، سائرہ بانو کا ٹویٹ، تازہ تصویر وائرل

(24 نیوز)شہنشاہ جذبات دلیپ کمار ممبئی کے ایک ہسپتال میں زیر علاج ہیں اور ان کے پرستاروں میں کافی بے چینی پائی جاتی ہےاور ان کی اہلیہ اداکارہ سائرہ بانو اس حوالے سے ٹویٹ کرتی رہتی ہیں اور اب انہوں نے ایک تازہ تصویر جاری کی ہے جو خوب وائرل ہو رہی ہے۔

Latest. An hour ago. pic.twitter.com/YBt7nLLpwL

— Dilip Kumar (@TheDilipKumar) June 7, 2021

 ہسپتال سے بالی ووڈ کے اداکار دلیپ کمار کی یہ پہلی تصویر سامنے آئی ہے جو اب سوشل میڈیا پر وائرل ہو رہی ہے۔ اس تصویر کو خود دلیپ کمار کی بیوی اداکارہ سائرہ بانو نے دلیپ کمار کے ٹویٹر اکاؤنٹ سے شیئر کیا ہے جس میں دلیپ کمار کافی کمزور نظر آرہے ہیں۔ہسپتال کے روم سے لی گئی اس فوٹو میں دلیپ کمار  کے ساتھ سائرہ بانو بھی نظر آرہی ہیں۔ تصویر میں جہاں دلیپ کمار کی آنکھیں بند ہیں تو وہیں سائرہ بانو انہیں دیکھتی نظر آرہی ہیں اور اپنے ہاتھ سے دلیپ کمار کا ہاتھ پکڑا ہوا ہے۔اس تصویر  میں سائرہ بانو بھی نظر آرہی ہے،دلیپ کمارنے نیلے رنگ کی قمیض پہن رکھی ہے،تصویر پر پیر  کی تاریخ درج ہے۔

ایک دوسرے ٹوئیٹ میں اداکارہ سائرہ بانو نے دلیپ کمار کی طبیعت کے حوالے سے کہا ہے کہ گزشتہ چند دنوں سے یوسف صاحب کی طبیعت ٹھیک نہیں تھی اور ممبئی کے ہسپتال میں ان کا علاج جاری ہے۔انہوں نے مداحوں کی جانب سے کی گئی دعاؤں اور نیک خواہشات کے لئے شکریہ ادا کیا ہے۔سائرہ بانو نے کہاکہ میں التجا کرتی ہوں کہ افواہوں پر توجہ نہ دیں اور صاحب کے لیے دعاکریں اور میری دعا ہے کہ خدا سبھی کو کوروناسے محفوظ رکھے۔

Message from Saira Banu pic.twitter.com/TDQzXDAigs

— Dilip Kumar (@TheDilipKumar) June 7, 2021

خیال رہے کہ ماضی کے نامور اداکار دلیپ کمار کو اتوار کو صبح سانس لینے کی تکلیف کے بعد ہسپتال داخل کیا گیا تھا۔جہاں اب ان کی حالت مستحکم بتائی گئی ہے اور انہیں آکسیجن پر رکھا گیا ہے۔دلیپ کمار نے 1944 میں فلم جواہر بھاٹا سے اپنے فلمی کرئیر کا آغاز کیا تھا۔ان کوآخری بار 1998 میں فلم قلعہ میں دیکھا گیاتھا۔

 یہ بھی پڑھیں: آج بھی سورج آگ برسائے گا