الیکشن 2024: شوبز شخصیات بھی ووٹ دینے میں پیش پیش

Feb 08, 2024 | 13:03:PM
ملک بھر میں عام انتخابات کیلئے پولنگ کا عمل جاری ہے، عام عوام کی طرح شوبز شخصیات بھی اپنا ووٹ کاسٹ کرنے باہر نکلی ہیں اور  اپنے پسندیدہ امیدوار کے انتخابی نشان پر مہر لگاتی رہیں۔
کیپشن: فائل فوٹو
Stay tuned with 24 News HD Android App
Get it on Google Play

(24نیوز) ملک بھر میں عام انتخابات کیلئے پولنگ کا عمل جاری ہے، عام عوام کی طرح شوبز شخصیات بھی اپنا ووٹ کاسٹ کرنے باہر نکلی اور  اپنے پسندیدہ امیدوار کے انتخابی نشان پر مہر لگاتی رہیں۔

پاکستانی اداکارہ فاطمہ آفندی اوران کے خاوند ارسلان نے ووٹ کاسٹ کر دیا ہے۔ معروف اداکارہ فاطمہ آفندی اور ان کے شوہرکی جانب سے سوشل میڈیا پلیٹ فارم انسٹاگرام پرووٹ کاسٹ کرنے کے بعد تصویر بھی شئیر کی گئی ۔ شوبز جوڑی نے سوشل میڈیا صارفین کو پیغام میں کہا  کہ ہم نے اپنا حصہ ڈال دیا۔ اب آپ آگے بڑھیں اور اپنا حصہ ڈالیں۔

پاکستان شوبز انڈسٹری کی مشہور اداکارہ عائزہ خان نے ووٹ کاسٹ کرتے ہوئے سوشل میڈیا پلیٹ فارم انسٹاگرام پر تصویر شئیر کی جہاں اُنہوں نے کیپشن میں صارفین کیلئے پیغام میں کہا کہ پولنگ کی تفصیلات کے لیے  8300 پر میسج کریں۔

پاکستان کی معروف فیشن ڈیزائنر ماریہ بی نے بھی ووٹ کاسٹ کردیا، سوشل میڈیا پلیٹ فارم پر اداکارہ کی جانب سے مختصر ویڈیو کلپ شیئر کیا گیا ہے۔

 سینئر پاکستانی اداکارہ ثناء فخر نے بھی نہایت ہی پر اعتماد انداز میں سیاحی لگے انگوٹھے کیساتھ تصویر شئیر کی اور لکھا کہ ' آپ کونسی جماعت کو ووٹ دیں گے۔  مذکورہ تصویر میں اداکارہ ثناء کا چہرہ نظر نہیں آ رہا تھا کیونکہ انہوں نے ماسک لگا رکھا تھا۔

اداکارہ مریم نفیس نے بھی اپنا ووٹ کاسٹ کر دیا،  ووٹ دینے کے بعد انہوں نے شوہر کے ہمراہ تصویر سوشل میڈیا پر پوسٹ کی۔

اداکار حمزہ علی عباسی نے ووٹ کاسٹ کرنے کے بعد زیادہ تو کچھ نہیں کہا بس اپنی اور انگوٹھے کی تصویر شیئر کرتے ہوئے'ووٹ' کا الفاظ تحریر کیا۔ البتہ الیکشن سے ایک رات قبل حمزہ علی عباسی نے اپنے مداحوں کیساتھ خصوصی پیغام شیئر کرتے ہوئے کہا تھا کہ' کل ضرور ووٹ کاسٹ کریں، اور آپ جو بھی امیدوار لگتا ہے کہ یہ پاکستان اور جمہوریت کیلئے اچھا ہے تو اسے ہی ووٹ دیں۔

اداکار عثمان خالد بٹ نے ہنستے مسکراتے ہوئے ووٹ کاسٹ کرنے کے بعد تصویر مداحوں کیساتھ شیئر کی ، یہی نہیں بلکہ مداحوں کو پیغام بھی دیا کہ پولنگ اسٹیشن کے اندر موبائل فون، ڈیجیٹل واچز اور کاغذ پر لکھا ہوا حلقہ نمبر، شماریاتی بلاک کوڈ وغیرہ بھی آپکو اندر لے جانے کی اجازت نہیں ، لہذٰا آپ سب ایسا کریں کہ اپنا شماریاتی بلاک کوڈ یاد کر کے جائیں۔ 

مزید پڑھیں:  کراچی:قائم 10 پولنگ اسٹیشنز سے 3 کا عملہ غائب

ماہرہ خان نے فوٹو اینڈ ویڈیو شیئرنگ ایپ انسٹاگرام پر اس اہم دن کی مناسبت سے پوسٹ جاری کی ہے جس میں انہیں اپنا سیاہی لگا انگوٹھا دکھاتے دیکھا جاسکتا ہے۔

واضح رہےکہ عام انتخابات کے لیےملک بھر میں پولنگ کا عمل جاری ہے، سیکورٹی خدشات کے پیش نظر نگران حکومت نے موبائل سروسز عارضی طور پر معطل کرنے کا فیصلہ کیا ہے۔ 

دیگر کیٹیگریز: انٹرٹینمنٹ - لازمی پڑھیں
ٹیگز:

متعلقہ خبریں