عالمی منڈی میں خام تیل کی قیمتوں میں پھر اضافہ

(ویب ڈیسک )امریکی صدر ڈونلڈ ٹرمپ کی ایران کو دھمکی دینے کے بعد عالمی منڈی میں خام تیل کی قیمتوں میں پھر اضافہ ریکارڈ کیا جارہا ہے۔

امریکی خام تیل کی قیمت 2.86 فیصدبڑھ گئی،مارکیٹ میں امریکی خام تیل 115 ڈالر فی بیرل پر فروخت ہورہا ہے،برطانوی خام تیل 1.5 فیصد اضافے کے ساتھ 111 ڈالرفی بیرل پر پہنچ گیا۔

 ماہرین کے مطابق اگر تیل کی قیمتیں ایسے ہی جاری رہی تو پاکستان میں مزید قیمتیں بڑھنے کا خدشہ ہے ۔ 

دوسری جانب اوپیک ممالک نےمئی کیلئے تیل کی پیداوار بڑھانے کا فیصلہ کیا ہے۔ ترجمان کے مطابق مئی میں روزانہ کی بنیاد پر دولاکھ بیرل سے زائد تیل کی پیداوار بڑھائیں گے۔

یہ بھی پڑھیں:آبنائے ہرمز میں کتنے جہاز پھنسے؟ چونکا دینے والے اعداد و شمار جاری

 تیل کی پیداوار بڑھانے کا مقصد توانائی کی مارکیٹوں میں جاری ہلچل کو روکناہے، سعودی عرب اور روس سمیت کئی خلیجی ممالک بھی تیل کی پیداوار بڑھانے متفق ہوئے۔