آئی جی پنجاب کیجانب سے دی گئی ہفتہ وار چھٹی ختم، اہلکار ذہنی تناؤ کا شکار ہونے لگے

(اسرار خان) آئی جی پنجاب ڈاکٹر عثمان انور کی جانب سے دی جانے والی ہفتہ وار چھٹی ختم، کانسٹیبل سے لے کر انسپکٹر تک کے افسران ذہنی تناؤ کا شکار ہونے لگے۔

پولیس ذرائع کے مطابق ہفتہ وار چھٹی ختم ہونے سے پولیس افسران اور اہلکار ذہنی تناؤ کا شکار ہو رہے ہیں، چھٹی نہ ملنے سے پولیس افسران اور اہلکاروں کے گھریلو امور بھی متاثر ہو رہے ہیں۔

یہ بھی پڑھیں: راولپنڈی سے تحریک انصاف کے سابق رکن پنجاب اسمبلی نے سیاست اور پارٹی کو خیرباد کہہ دیا

پولیس ذرائع کا مزید کہنا ہے کہ تمام ایس ایچ اوز کو رات 3 بجے تک گشت پر مامور رہنے کا بھی حکم ہے، نیند پوری نہ ہونے سے پولیس افسران اور اہلکاروں کی صحت متاثر ہونے کا خدشہ ہے۔