کورونا نے ایک اور بالی ووڈ اداکارہ کی جان لے لی

 (24 نیوز) عالمی وبا کورونا وائرس نے بالی ووڈ فلم ’ڈریم گرل‘ کی اداکارہ رنکو سنگھ کی جان لے لی۔

 تفصیلات کے مطابق بالی ووڈ اداکارہ رنکو سنگھ کا گزشتہ ماہ 25 مئی کو کورونا وائرس ٹیسٹ مثبت آیا تھا جس کے بعد انہوں نے گھر میں ہی خود کو قرنطینہ کرلیا تھا۔گھر میں قرنطینہ کے دوران اداکارہ رنکو سنگھ کی طبیعت بگڑ گئی جس کے بعد انہیں ہسپتال منتقل کیا گیا جہاں انہیں وارڈ میں رکھا گیا تھا۔بھارتی میڈیا رپورٹس میں بتایا گیا کہ ہسپتال کے وارڈ میں اداکارہ رنکو سنگھ کی طبیعت مزید بگڑنے لگی جس کے بعد انہیں انتہائی نگہداشت وارڈ میں داخل کردیا گیا۔
اداکارہ رنکو سنگھ کی طبیعت مزید خراب ہوتی گئی جس کے بعد وہ انتہائی نگہداشت وارڈ میں دوران علاج چل بسیں۔
بھارتی میڈیا کے مطابق بالی ووڈ اداکارہ رنکو سنگھ دمہ کی بھی مریض تھیں جبکہ ان کی کزن کا کہنا ہے کہ اداکارہ نے 7 مئی کو کورونا ویکسین کی پہلی ڈوز لگوائی تھی اور دوسری ڈوز لگوانے سے پہلے ہی انہیں کورونا وائرس کی تشخیص ہوگئی تھی۔
یہ بھی پڑھیں