عمران خان بہترین کپتانوں میں سے ایک ہیں۔۔روی شاستری کا اپنی کتاب میں اعتراف

(ما نیٹر نگ ڈیسک)بھارتی کرکٹ ٹیم کے ہیڈکوچ روی شاستری نے پاکستان کرکٹ ٹیم کے چیمپئن کپتان اور ملک کے موجودہ وزیراعظم عمران خان کو دنیائے کرکٹ کے بہترین کپتانوں میں سے ایک قرار دے دیا۔ 

تفصیلا ت کے مطابق روی شا ستری  نے حال ہی میں اپنی کتاب "سٹارگیزنگ: کھلاڑی میری زندگی میں" شائع کی جس میں انہوں نے کہا کہ عمران خان بہترین کپتانوں میں سے ایک ہیں جنہیں موجودہ وقت تک دنیا نے دیکھا ہے۔  اس میں یہ سمجھنے کی کوئی راکٹ سائنس نہیں ہے کہ کیوں میں نے عمران خان کو کرکٹ کے بہترین کپتانوں اور کھلاڑیوں میں سے ایک کہا ہے۔ 

بھارتی کرکٹ ٹیم کے کوچ کا کہنا تھا کہ میرے اس نظریے کو بمشکل ہی کسی کوالیفکیشن کی ضرورت ہوگی، عمران خان کے ریکارڈز خود بولتے ہیں، لیکن اگر عمران خان کے لیے مزید کسی گواہی کی ضرورت ہے تو وہ ان کھلاڑیوں کے تجربے سے بھی آسکتی ہے جنہوں نے عمران خان کا مقابلہ کیا تھا۔ 

روی شاستری نے لکھا کہ میں نے عمران خان کو پہلی مرتبہ 1978 میں ٹیلی ویژن پر اس وقت کھیلتے ہوئے دیکھا تھا جب بھارتی ٹیم نے پاکستان کا دورہ کیا تھا اور عمران خان بھارتی ٹیم کے خلاف کھیل رہے تھے۔ 

اپنی کتاب میں روی شاستری نے مزید لکھا کہ جب پاکستانی ٹیم بھارت آئی تو میں نے وینکھڈے سٹیڈیم (ممبئی) میں نارتھ سٹینڈ میں جگہ پکی کی تھی جہاں سے میں نے عمران خان کی بولنگ سوئنگ اور ریورس سوئنگ پر ان کے کنٹرول کا شاندار مظاہرہ دیکھا تھا۔ 

روی شاستری نے لکھا کہ عمران خان کی سوئنگ بولنگ نے بیٹسمینوں کی زندگی اجیرن کردی تھی،ہ وہ اپنے دور کے بہترین چار آل راؤنڈرز میں بہترین بلے باز تھے۔ 

یہ بھی پڑھیں:پاکستانی پہلوان انعام بٹ نے چوتھی باربیچ ریسلنگ ورلڈسیریز چیمپئن شپ جیت لی