پی ایس ایل سیکیورٹی پر مامور اہلکاروں کو غیرمعیاری کھانا فراہم کرنے کا انکشاف

(ویب ڈیسک) پاکستان سپر لیگ کی سیکیورٹی پر تعینات پولیس اہلکاروں کو غیر معیاری کھانا فراہم کیے جانے کا انکشاف سامنے آیا ہے۔

سی پی او راولپنڈی نے پی ایس ایل سیکیورٹی پر تعینات اہلکاروں کو غیر معیاری کھانا فراہم کیے جانے کا نوٹس لیتے ہوئے کھانا فوری واپس کرکے متبادل کھانا فراہم کرنے کی ہدایت کردی۔

فورس کو فراہم کیے جانے والے کھانے کے معیار پرکوئی سمجھوتہ نہیں کیاجائے گا، سپروائزری افسران کھانا تقسیم کرنے سے پہلےخود چیک کریں اوربہترین معیار کو یقینی بنائیں، سی پی او

— Rawalpindi Police (@RwpPolice) March 3, 2023

سٹی پولیس آفیسر راولپنڈی نے پولیس اہلکاروں کو ناقص کھانا فراہم کرنے میں کوتاہی برتنے والے ذمہ داران کا تعین کرنے کی ہدایت کردی۔

یاد رہے کہ پولیس اہلکاروں نے ملنے والے غیر معیاری کھانے کی ویڈیو شیئر کی تھی جو سوشل میڈیا پر وائرل ہوگئی تھی۔