پارلیمنٹ حملہ کیس: 7 سینئر رہنماؤں کی بریت کی استدعا
Stay tuned with 24 News HD Android App
(24نیوز)پی ٹی آئی کے سینئر رہنماؤں نے بھی پی ٹی وی پارلیمنٹ حملہ کیس میں بریت کی درخواست دائر کردی۔
تفصیلات کے مطابق اسلام آباد کی انسداد دہشتگردی کی عدالت میں پی ٹی وی پارلیمنٹ حملہ کیس کی سماعت ہوئی جس میں چیئرمین پی ٹی آئی عمران خان کی بریت کے بعد پی ٹی آئی کے7 سینئر رہنماؤں نے بھی بریت کی استدعا کردی۔ پی ٹی آئی رہنما شاہ محمود قریشی، جہانگیر ترین، شفقت محمود، اسدعمر، پرویزخٹک اور علیم خان نے پی ٹی وی حملہ کیس میں بری کرنے کی استدعا کی ہے۔
پی ٹی آئی رہنماؤں کی درخواست میں مؤقف اپنایا گیا ہےکہ 2014 میں حکومت مخالف احتجاج کیا، آج بھی احتجاج ہورہے ہیں جب کہ عوامی تحریک کے کارکنان نے پارلیمنٹ کی طرف رخ کیا تھا۔انسداد دہشتگردی کی عدالت نے 18 مارچ تک 3 بریت کی درخواستوں پر دلائل طلب کرلیے۔واضح رہےکہ اسلام آباد کی انسداد دہشتگردی کی عدالت پی ٹی وی پارلیمنٹ حملہ کیس میں وزیراعظم عمران خان کو بری کرچکی ہے۔