تیل اور سونے کی قیمت میں نمایاں کمی

(ویب ڈیسک)عالمی مارکیٹ میں خام تیل کی قیمتوں میں بڑی کمی ہو گئی جبکہ عالمی مارکیٹ میں سونے کا بھی ریٹ کم ہو گیا۔

مصدقہ اطلاعات کے مطابق امریکی عالمی مارکیٹ میں خام تیل کی قیمت 3 ہفتے کی کم ترین سطح تک گرگئیں،خام تیل 2 ڈالر 20 سینٹس فی بیرل سستا ہوگیا  ہے۔ امریکی خام تیل  قیمت میں 2.42 فیصد کمی سے 88.59 ڈالر فی بیرل تک گرگیا۔

 برینٹ آئل کی قیمت میں 1 ڈالر 73 سینٹس فی بیرل کمی ہوگئی ،  برینٹ آئل 1.88 فیصد کمی سے 90.47 ڈالر فی بیرل تک گرگیا .

 عالمی مارکیٹ میں سونا بھی 20 ڈالر تک سستا ہوگیا ۔ عالمی مارکیٹ میں سونا 1.04 فیصد کمی سے 1846 ڈالر فی اونس تک گرگیا،ڈالر کی قدر میں بہتری اور سرمایہ کاروں کی جانب سے پرافٹ ٹیکنگ کی وجہ سے خام تیل کی قیمت میں کمی ہوئی۔

یہ بھی پڑھیں: ڈالر کی قیمت میں مسلسل کمی،مزید ریٹ گر گیا

خام تیل کی سپلائی بڑھنے اور بلند شرح سود کی وجہ سے تیل کی طلب میں کمی کے خدشات ہیں۔