ٹوئٹر ملازم 24 گھنٹے کام، تھک کر دفتر میں ہی سونے کی تصویر وائرل

(ویب ڈیسک )ایلون مسک کی جانب سے سخت ڈیڈ لائن کو وقت پر مکمل کرنے کی خاطر ٹوئٹر کے دفتری اوقات بڑھانے کے بعد بیشتر ملازمین دفتر میں ہی قیام کرنے لگے۔مائیکرو بلاگنگ سائٹ ٹوئٹر میں کام کرنے والے ’ایوان‘ نامی سوشل میڈیا صارف نے اپنے مینجر کی دفتر کے فرش پر سوتے ہوئے ایک تصویر ٹوئٹر پو شیئر کی جو وائرل ہوگئی۔

When your team is pushing round the clock to make deadlines sometimes you #SleepWhereYouWork https://t.co/UBGKYPilbD

— Esther Crawford ✨ (@esthercrawford) November 2, 2022

اس تصویر میں ٹوئٹر کی ڈائریکٹر پروڈکٹ مینجمنٹ ایستھر کرافورڈ کو دیکھا جاسکتا ہے جو سلیپنگ بیگ میں آنکھوں پر ماسک چڑھائے میز اور کرسیوں کے عقب میں سو رہی ہیں۔وائرل ہونے والی اس تصویر کے کیپشن میں ایوان نے لکھا کہ ’جب آپ کو ایلون کے ٹوئٹر میں اپنے باس سے کسی چیز کی ضرورت ہو‘۔

تصویر وائرل ہوئی تو ٹوئٹر کی ڈائریکٹر پروڈکٹ مینجمنٹ ایستھر کرافورڈ نے مذکورہ ٹوئٹ کو ری ٹوئٹ کرتے ہوئے لکھا کہ’ جب آپ کی ٹیم ڈیڈ لائن کو وقت پر مکمل کرنے کی خاطر آپ پر چوبیس گھنٹے دباؤ ڈالتی ہے تو کبھی کبھی آپ جہاں دفتر میں ہی سو جاتے ہیں۔ ساتھ ہی انہوں نے #SleepWhereYouWork کا ہیش ٹیگ کا استعمال کیا۔ایستھر کرافورڈ کی ری ٹوئٹ پر سوشل میڈیا صارفین میں کھلبلی مچ گئی اور بیشتر صارفین نے ٹوئٹر کے نئے اقدامات کو شدید تنقید کا نشانا بنایا۔

Since some people are losing their minds I'll explain: doing hard things requires sacrifice (time, energy, etc). I have teammates around the world who are putting in the effort to bring something new to life so it's important to me to show up for them & keep the team unblocked.

— Esther Crawford ✨ (@esthercrawford) November 2, 2022

جس کے بعد ایستھر کرافورڈ نے مزید ٹوئٹ کرتے ہوئے وضاحت دی کہ ’چونکہ صارفین اشتعال میں آرہے ہیں اسلئے وضاحت دینا ضروری ہے کہ مشکل کام کرنے کے لیے قربانی کی ضرورت ہوتی ہے ۔انہوں نے بتایا کہ ’ٹوئٹر میں ان کے ساتھ دنیا بھر سے مختلف اوقات میں ٹیم ممبر کام کرتے ہیں، اور ان سے ہر وقت رابطے میں رہنا ان کے لیے ضروری ہے۔

انہوں نے مزید لکھا کہ ’ہم سب ایک ٹیم کا حصہ ہیں اور ہم سب کو ٹوئٹر میں کام کرنا بےحد پسند ہے، یہ ہی وجہ ہے کہ ہم سب ’ #LoveWhereYouWork‘ کا ہیش ٹیگ استعمال کرتے ہیں، اور یہ ہی وجہ ہے کہ ری ٹوئٹ میں #SleepWhereYouWork کا ہیش ٹیگ استعمال کیا ہے۔

We are #OneTeam and we use the hashtag #LoveWhereYouWork to show it, which is why I retweeted with #SleepWhereYouWork -- a cheeky nod to fellow Tweeps. We've been in the midst of a crazy public acquisition for months but we keep going & I'm so proud of our strength & resilience.

— Esther Crawford ✨ (@esthercrawford) November 2, 2022

انہوں نے یہ بھی کہا کہ وہ خوش قسمت ہیں اور انہیں اپنی ٹیم اور اور اپنے اہل خانہ سے بہت پیار ہے جو کام کی اہمیت کو سمجھتے ہیں۔