معروف بھارتی اداکار 69 برس کی عمر میں انتقال کر گئے

(ویب ڈیسک)جنوبی بھارتی فلم انڈسٹری سے وابستہ ہدایتکار، پروڈیوسر اور مزاحیہ اداکار "منو بالا"  69 برس کی عمر میں انتقال کرگئے۔

تفصیلات کے مطابق بھارتی تجربہ کار اداکار منوبالا نے 3 مئی کو چنئی میں آخری سانس لی۔ اطلاعات کے مطابق، وہ گزشتہ دو ہفتوں سے جگر سے متعلق مسائل کے لیے اپنی رہائش گاہ پر علاج کروا رہے تھے۔ یہ خبر تامل فلم انڈسٹری میں سب کے لیے ایک بہت بڑا صدمہ بن کر سامنے آئی ہے۔ اداکار  اپنی منفرد آواز اور حس مزاح کے لیے جانے جاتے تھے۔ 35 سال پر محیط اپنے کیریئر میں انہوں نے 900 سے زائد فلموں میں اداکاری کی اور 40 فلموں کی ہدایتکاری کی اور چند فلمیں پروڈیوس بھی کیں۔ ان کے پسماندگان میں بیوی اوشا اور بیٹا ہریش ہے۔

یہ افسوس ناک خبر بھارتی سنئیر اداکار اور ہدایتکار رجنی کانت نے بزریعہ ٹوئٹر  پر  اداکار "منو بالا" کی موت کی تصدیق کرتے ہوئے پسماندگان سے تعزیت اور آنجہانی اداکار کے لئے دعا کی۔ 
 

பிரபல இயக்குநரும், நடிகருமான, அருமை நண்பர் மனோபாலாவுடைய இறப்பு எனக்கு மிகவும் வேதனை அளிக்கிறது. அவருடைய குடும்பத்தினருக்கு என்னுடைய அனுதாபங்கள். அவரது ஆத்மா சாந்தியடையட்டும்.@manobalam

— Rajinikanth (@rajinikanth) May 3, 2023

یاد رہے کہ ان کی یادگار تامل فلموں میں سیتھو ، پتھاماگن ، اورکاولن ، کترین موزی اور چکرا شامل ہیں ،ان کی آخری رسومات چنائی میں ان کی رہائش گاہ پر ادا کی جائیں گی۔