بالی ووڈ فلموں میں آئٹم گرل کا رول ادا کرنا چاہتی ہوں، گریس روڈس

(24 نیوز)فلم سٹریٹ ڈانسر تھری ڈی فیم برطانوی اداکارہ ، ڈانسر اور پوپ سنگر گریس روڈس بالی ووڈ فلموں میں آئٹم گرل کا رول ادا کرنا چاہتی ہیں اور وہ کرن جوہر اور فرح خان کے ساتھ کام کرنا چاہتی ہیں ۔

بھارتی میڈیا رپورٹ کے مطابق اداکارہ گریس روڈس نےسٹریٹ ڈانسر تھری ڈی میں بالی ووڈ میں اپنے پہلے تجربہ کے بارے میں بات کرتے ہوئے کہا کہ یہ میرا پہلا بالی ووڈ تجربہ تھا اور ریمو کے ساتھ کام کرنا خود میں ایک بڑی بات تھی ۔ گریس روڈس کو دھرمیش کے ساتھ ڈانسر کے طور پر سٹریٹ ڈانسر تھری ڈی میں دیکھا گیا تھا ، وہ ہندوستانی فلموں کے بارے میں جذباتی ہیں اور بالی ووڈ میں پہلی مرتبہ اداکاری کرنا چاہتی ہیں اور آئٹم نمبر کرنا چاہتی ہیں ۔وہ  کہتی ہیں کہ میں حقیقت میں کھلے ذہن کی ہوں ، کیونکہ میں نے کارکردگی کے سبھی شعبوں میں پیشہ وارانہ ٹریننگ لی ہے ۔ حقیقت میں اس کی کوئی حد نہیں ہے ۔ انہوں نے کہا کہ میں ایک فنکارہ ہوں ، میں گاتی ہوں ، ڈانس کرتی ہوں اور اداکاری کرتی ہوں ، اس لئے میں تینوں کو کرنا چاہتی ہوں ۔
گریس روڈس کہتی ہیں کہ میں نے اب تک جن مردوں کو دیکھا ہے ، ان میں ٹائیگر شراف ایک اچھے ڈانسر ہیں اور رنویر سنگھ ایک پاور ہاوس بھی ہیں ۔ انہوں نے کہا کہ میں کترینہ کیف ، نورا فتیحی اور جیکلین فرنانڈیز سمیت بھوشن کمار ، کرنل جوہر اور فرح خان کے ساتھ کام کرنا پسند کروں گی ۔ گریس روڈس کا کہنا ہے کہ ایسے کئی اداکار اور اداکارائیں ہیں ، جن کے ساتھ کام کرنا مجھے اچھا لگے گا ۔ وہ ممکنہ ایک کا نام نہیں لے سکتیں ۔ انہوں نے گرو رندھاوا اور اریجیت سنگھ کو ہندوستان کے کچھ بڑے سنگروں میں سے ایک بتایا ۔