کیا چائے موت کا خطرہ ٹال دیتی ہے؟حیرات انگیز فوائد

(24 نیوز) چائے  آپکی   تمام تھکاوٹ کو دور کرکے آپ کے جسم کی بیٹری کو ری چارج کرتی ہے، لیکن ان تمام خصوصیات کے باوجود روزانہ چائے کی عادت کو فائدہ مند کیوں نہیں سمجھا جاتا؟

چائے کے نقصانات ہم بچپن سے اپنے بزرگوں سے سنتے آئے ہیں کہ زیادہ چائے نہ پیو، رنگ کالا ہو جائے گا، پیٹ میں تیزابیت بڑھ جائے گی، نیند اڑ جائے گی، وغیرہ لیکن بہت کم لوگ جانتے ہیں کہ چائے اپنے آپ میں بے پناہ فائدے رکھتی ہے۔

حالیہ تحقیق سے ثابت ہوا ہے کہ جو لوگ روزانہ ایک کپ سے زیادہ چائے پیتے ہیں ان میں چائے نہ پینے والوں کے مقابلے موت کا خطرہ 9 سے 13 فیصد کم ہوتا ہے۔

حیرت انگیز تحقیق سے یہ بات سامنے آئی ہے کہ چائے آپ کے ارتکاز کو بڑھانے کے ساتھ ساتھ بلڈ شوگر کو کسی حد تک کنٹرول کرنے میں بھی مدد دیتی ہے، اگر آپ ذائقہ دار، کم کیلوری والا گرم مشروب تلاش کر رہے ہیں جس میں کافی سے کم کیفین ہو، تو چائے ایک بہترین آپشن ہے۔

اس کے علاوہ اگر آپ وزن کم کرنا چاہتے ہیں تو آپ دن میں ایک یا زیادہ کپ چائے پی سکتے ہیں، یہ ہڈیوں کو مضبوط رکھنے میں بھی مدد کرتا ہے۔

چائے کی مختلف اقسام ہماری قوت مدافعت کو مضبوط کرتی ہیں جیسے کہ جڑی بوٹیوں والی چائے کو صحت کے فوائد کے ساتھ قدرتی علاج کے طور پر صدیوں سے استعمال کیا جا رہا ہے، ہربل چائے جیسے پیپرمنٹ لیموں یا ادرک کی چائے، ہاضمہ اور سوزش کے مسائل میں سکون دیتی ہے۔

یہ بھی پڑھیں:شوگر کو کنٹرول اور نظر بڑھانے کیلئے کونسا پھل مفید ہے؟

چائے کی ایک قسم کالی چائے پر ہونے والی حالیہ تحقیق کے مطابق یہ چائے اپنے اینٹی آکسیڈنٹ اور کینسر مخالف اثرات کی وجہ سے بہت مفید ہے جو کہ ہماری مجموعی صحت کو بڑھاتی ہے۔

یہی وجہ ہے کہ اسے پینے والوں میں دل کی بیماری، ہارٹ اٹیک، فالج، کینسر اور ذیابیطس سے موت کا خطرہ کم ہوجاتا ہے۔

کالی چائے کا ایک اور فائدہ بھی ہے، اس کے علاوہ اسے ابال کر ٹھنڈا کر کے کٹے ہوئے زخم پر لگانے سے درد سے کافی آرام ملتا ہے، اس کے علاوہ یہ جلد کی سوزش کو کم کرنے میں بھی مددگار ہے۔

چائے پینے کا بہترین وقت صبح ناشتے یا دوپہر کے کھانے کے ایک گھنٹہ بعد یا شام کو اسنیکس کے ساتھ ہے۔