پاکستان اور افغانستان میں یک طرفہ ٹیکس لگانے کا معاہدہ ہو گیا
Stay tuned with 24 News HD Android App
(24 نیوز )پاکستان اور افغانستان نے دوہرے ٹیکس سے بچنے کے کنونشن پر دستخط کر دیئے ہیں، جس کے بعد اب تجارتی اشیا پر یک طرفہ ٹیکس عائد ہو گا۔
تفصیلات کے مطابق پاکستان اور افغانستان کے وفود کے درمیان فیڈرل بورڈ آف ریونیو میں مذاکرات کا تیسرا دور ہوا ، جس میں دونوں وفود کے درمیان دوستانہ ماحول میں مذاکرات ہوئے، دونوں فریقین نے متفقہ مسودے پر اتفاق کر لیا ہے ، متفقہ مسودے پر دونوں وفود کے سربراہان نے دستخط کیے۔
چیئرمین ایف بی آر عاصم احمد کا کہنا تھا کہ افغانی وفد کو پاکستان آنے پر خوش آمدید کہتے ہیں، کنونشن سے دونوں برادر ممالک کے درمیان اقتصادی تعلقات مزید مضبوط ہوں گے۔
افغان وفد کی سربراہی ریونیو لیگل سروسز کے ڈائریکٹر ندا محمد صدیقی نے کی، پاکستانی وفد کی سربراہی ڈائریکٹر جنرل انٹرنیشنل ٹیکس آپریشنز، ایف بی آر کے ڈائریکٹر جنرل ساجد اللہ صدیقی نے کی۔