ماہرہ خان کی شادی کا عروسی لباس کتنے لاکھ کا ہے؟

(24 نیوز ) پاکستان کی سپر سٹار ماہرہ خان  اپنے دیرینہ دوست اور کاروباری شخصیت سلیم کریم کے  ساتھ رشتہ ازدواج میں منسلک ہو گئیں۔

تفصیلات کے  مطابق گزشتہ روز ماہرہ خان  کی شادی کی مختصر تقریب مری کے نجی ہوٹل میں ہوئی، جہاں 2  روز قبل شروع ہونے والی اداکارہ کی شادی کی تقریبات کے لیے ہوٹل کے 200 کمروں کو 6 دن کیلئے بُک کیا گیا۔ماہرہ خان نے شادی کی تقریبات کو انتہائی خفیہ رکھا اور زیادہ تر شوبز شخصیات کو بھی شادی میں نہیں بلایا۔

اب حال ہی میں میڈیا سے گفتگو کرتے ہوئے ڈیزائنر فراز منان کی ترجمان نے تصدیق کی کہ ماہرہ خان نے اس خاص دن کے لیے ان کے تیار کردہ جوڑے کا انتخاب کیا جس کی قیمت واضح طور پر ظاہر نہ کرتے ہوئے انہوں نے اتنا بتانے پر اکتفا کیا کہ ہمارے کسٹمائزڈ برائیڈل ڈریسز کی قیمت 35 لاکھ روپے سے شروع ہوتی ہے۔

View this post on Instagram

A post shared by Ayesha says (@ayesha__says)

ڈیزائنر فراز منان کی ترجمان کی بات سے واضح ہوتا ہےکہ ماہرہ خان کے عروسی جوڑے کی قیمت بھی 35 لاکھ روپے یا اس سے زیادہ ہوگی،شادی کی اس پُروقار تقریب کے لیے اداکارہ نے میک اپ آرٹسٹ بابر ظہیر کا انتخاب کیا جب کہ سوشل میڈیا ذرائع کے مطابق دُولہے میاں سلیم کریم نے یوسف بشیر قریشی (وائی کیو بی) سٹوڈیو کے لباس کو منتخب کیا۔

یہ بھی پڑھیں:امریکا کی معروف ایم ایم فائٹر دائرہ اسلام میں داخل ہو گئیں

خیال رہے کہ گزشتہ سال ماہرہ خان نے ثمینہ پیرزادہ کو خصوصی انٹرویو دیتے ہوئے سلیم کریم سے تعلقات کی تصدیق کی تھی۔

View this post on Instagram

A post shared by Lollywoodlooks (@lollywoodlooks)

ماہرہ خان سے ایک سوال  یہ بھی کیا گیا آپ کو محبت ہوگئی ہے؟ اس کے جواب میں مسکراتے ہوئے کہا تھا کہ ہاں شاید مجھے محبت ہوگئی ہے لیکن میں اتنی آسانی سے اس حوالے سے بات نہیں کر سکتی کیوں کہ میں بہت شرمیلی ہوں۔