امریکا کی معروف ایم ایم فائٹر دائرہ اسلام میں داخل ہو گئیں

(ویب ڈیسک)امریکا کی مشہور و معروف ایم ایم فائٹر امبر لیبروک 35 سال کی عمر میں کلمہ پڑھ کر دائرہ اسلام میں داخل ہوگئیں۔

تفصیلات کے مطابق 35 سالہ امبر لیبروک امریکا کی فیدر فائٹ ڈویژن میں مقابلوں میں حصہ لیتے ہوئے اب تک کئی کامیابیاں اپنے نام کرچکی ہیں۔ غیر ملکی میڈیا سے گفتگو کے دوران امبر لیبروک نے اسلام قبول کرنے سے متعلق بتایا کہ  ان کے مینٹور مجید حمید نے ان کی رہنمائی کی، ان ہی کی  بدولت  انھیں عقیدے اور عقیدت کا پتا چلا اور ان کیلئے  اسلام قبول کرنے کی راہ آسان بنی۔

  امبر کے مطابق انہوں نے مقابلے میں شکست کے کچھ ہفتوں بعد اسلام قبول کیا کیوں کہ" اس وقت انہیں ہر جگہ اندھیرا محسوس ہورہا تھا اس مایوسی کے وقت  انھوں نے  دل سے  اللہ کو کو آواز دی اور اس نے اسلام قبول کرنے جیسا تحفہ دیا۔"حال ہی میں امبر نے سوشل میڈیا پر ایک ویڈیو شیئر کی جس میں انہیں عبادت کرتے اور قدرتی مناظر سے لطف اندوز ہوتے دیکھا گیا۔

View this post on Instagram

A post shared by Amber Marie (@amberleibrock_mma)

انسٹاگرام پوسٹ میں امبر نےلکھا کہ "حالیہ  چند مہینوں نے میری زندگی بدل دی ، اس دوران زندگی میں کئی نشیب و فراز آئے، میں نے بے حد محنت کی، میری زندگی میں سب کچھ الٹا ہونے لگا تھا لیکن پھر پلک جھپکتے ہی  سب سمجھ آنے لگا، ہر چیز مجھے اللہ سے قریب کرنے اور دین کی تلاش کے راستے پر لے گئی، مجھے نہیں پتا تھا کہ  زندگی میں آنے والے اتار چڑھاؤ برکتوں کا راستہ بنانے کیلئے تھے"۔

View this post on Instagram

A post shared by Amber Marie (@amberleibrock_mma)

ایم ایم فائٹر نے اپنی پوسٹ  میں رواں برس کو اپنے لیے حیرت انگیز سال قرار دیتے ہوئے مزید لکھا کہ سب کچھ میری مرضی کے مطابق نہیں بلکہ یہ اللّٰہ کی مرضی کے مطابق ہوا ہے اور مجھے اس پر پورا بھروسہ ہے۔

یہ بھی پڑھیں:روس سے درآمد شدہ تیل سے حکومت کو کتنی بچت ہوئی ؟ اہم انکشاف