امریکا کا جرمنی سے 5 ہزار فوجیوں کے انخلا کا اعلان

(ویب ڈیسک) امریکا نے جرمنی سے 5,000 فوجیوں کو واپس بلانے   کا اعلان کر دیا ۔

رپورٹس کے مطابق امریکی وزیر دفاع پیٹ ہیگستھ نے اس انخلا کا حکم دیا ہے، جو ایک ایسے وقت میں سامنے آیا ہے جب ایران جنگ کے معاملے پر امریکی صدر ڈونلڈ ٹرمپ اور یورپی ممالک کے درمیان اختلافات بڑھتے جا رہے ہیں۔

چند روز قبل صدر ٹرمپ نے جرمنی سے فوجیوں کی تعداد کم کرنے کی دھمکی دی تھی، جب ان کا جرمن چانسلر فریڈرک مرز کے ساتھ سخت جملوں کا تبادلہ ہوا۔

مرز نے ایران کی حکومت پر الزام عائد کیا تھا کہ وہ 2 ماہ سے جاری جنگ کے خاتمے کیلئے امن مذاکرات میں امریکا کو ذلیل کر رہی ہے۔

 یہ بھی پڑھیں:بڑی خبر!ٹرمپ نے ایران سے محاذ آرائی ختم ہونے کا اعلان کر دیا

پینٹاگون کے ترجمان کے مطابق فوجیوں کا یہ انخلا آئندہ 6 سے 12 ماہ کے دوران مکمل کیا جائے گا۔