گھی ، کوکنگ آئل، گڑ ، دال مسور  کی قیمتوں میں کمی ریکارڈ

(24نیوز)سیاسی استحکام کی جانب گامزن پاکستان میں مہنگائی کی شرح 32.73 فیصد تک پہنچ گئی ، ہفتہ وار بنیادوں پر مہنگائی کی شرح میں اضافہ جبکہ ماہانہ بنیاد پر کوئی تبدیلی نہیں آئی،ادارہ شماریات  نے رپورٹ جاری کر دی۔

رپورٹ کے مطابق ایک ہفتے کے دوران 14 اشیاء کی قیمتوں میں اضافہ ہوا جبکہ 12 اشیا کی قیمتوں میں کمی ہوئی اور 25 اشیائے ضروریہ کی قیمتیں مستحکم رہیں،ایک ہفتے کے دوران دال مونگ، آلو، انڈے، لہسن اور بیف سمیت کئی اشیاء مہنگی ہوئیں، انڈے کی قیمتوں میں 1.32 فیصد، گیس کی قیمتوں میں 15.52 فیصد، پیاز کی قیمتوں میں 2.87 فیصد، آلو کی قیمتوں میں0.68 فیصد، دال مونگ کی قیمت میں 0.27 فیصد اور بیف کی قیمت میں 0.32 فیصد اضافہ ہوا۔

ادارہ شماریات کے مطابق ایک ہفتے میں دال ماش کی قیمتوں میں 0.97 فیصد، ایل پی جی کی قیمتوں میں 0.85 فیصد، ٹماٹر کی قیمتوں میں 11.48 فیصد کمی ہوئی،اس کے علاوہ کوکنگ آئل کی قیمتوں میں 0.44فیصد، سادہ روٹی کی قیمتوں میں 0.35فیصد، ویجیٹیبل گھی کی قیمتوں میں0.22فیصد، گڑ کی قیمت میں 0.33 فیصد، اور دال مسور کی قیمتوں میں 0.21 فیصد کمی واقع ہوئی۔

یہ بھی پڑھیں:  گھر کی دہلیز پرمفت تعلیم دینے کا اعلان،وزیراعلیٰ مریم نواز نے دل جیت لئے