وزیراعظم شہباز شریف کا دورہ ترکی: پاکستان میں سرمایہ کاری کے حوالے سے اہم خبر آگئی

 (ویب ڈیسک) ستاش گروپ نے پاکستان میں سرمایہ کاری میں گہری دلچسپی کا اظہار کردیا ، جس پر وزیراعظم نے متعلقہ پاکستانی حکام کو ستاش گروپ سے بھروپور تعاون کی ہدایات جاری کردی۔

 تفصیلات کے مطابق وزیرِ اعظم شہباز شریف کا تین روزہ دورہ ترکی جاری ہے، وزیراعظم سے سُتاش گروپ کےبورڈ کے صدر محرم یِلمز کی سربراہی میں وفد نے ملاقات کی ، ملاقات میں ستاش گروپ نے پاکستان میں ڈیری سیکٹر میں سرمایہ کاری میں گہری دلچسپی کا اظہار کردیا۔

A delegation of Sütas group led by
Mr. Muharrem Yılmaz, President of the Board calls on Prime Minister Shehbaz Sharif in Ankara and showed keen interest in investment in Pakistan.#PMShehbazInTürkiye pic.twitter.com/tuUAPD9eZa

— Prime Minister's Office (@PakPMO) June 2, 2022

شہباز شریف کا کہنا تھا کہ بیرونی سرمایہ کاری کا فروغ اولین ترجیحات میں شامل ہے، حکومت 4سال میں سرمایہ کاروں کی راہ میں حائل رکاوٹوں کا سد باب کررہی ہے اور ملک میں روزگار کے مواقع اور صنعتوں کے قیام کو یقینی بنارہی ہے۔

 یہ بھی پڑھیں:مہنگائی کے ستائے عوام پر بجلی بم گرانے کی تیاریاں

وزیراعظم نے متعلقہ پاکستانی حکام کو ستاش گروپ سے بھروپور تعاون کی ہدایات جاری کر دی۔

 گذشتہ روز زیراعظم شہباز شریف نے انقرہ میں ترک صدر رجب طیب اردوان کے ہمراہ مشترکہ پریس کانفرنس کرتے ہوئے کہا کہ دونوں ملکوں کے درمیان مذہبی، ثقافتی اور تاریخی تعلقات ہیں، رواں سال دونوں برادر ملک سفارتی تعلقات کی 75 ویں سالگرہ منارہے ہیں اور پاکستان ترکی کے ساتھ تعلقات کو مزید مضبوط اور مستحکم کرنے کیلئے پرعزم ہے۔

 ان کا کہنا تھا کہ پاکستان اور ترکی کی قیادت، عوام اور افواج گہری قربت کے رشتے میں بندھے ہوئے ہیں، دونوں ملکوں کی اعلیٰ قیادت کےدرمیان آئندہ ملاقات ستمبر میں اسلام آباد میں ہوگی ہم ستمبر میں ترک صدر کے دورہ پاکستان کے منتظر ہیں۔