وزیراعظم سے گورنر خیبرپختونخوا کی ملاقات، سوات واقعے پر بریفنگ

(24 نیوز)وزیراعظم محمد شہباز شریف سے  گورنر خیبر پختونخوا فیصل کریم کنڈی کی ملاقات،  سوات میں پیش آنے والے افسوسناک واقعے کے حوالے سے بریفنگ دی۔

وزیر اعظم نے قیمتی جانوں کے ضیاع پر افسوس کا اظہار کیا اور متعلقہ اداروں کو اس قسم کے واقعات کے تدارک اور روک تھام کے لئے اپنی استعداد بڑھانے کی ہدایت کی۔

ملاقات میں مجموعی ملکی صورت حال پر بھی تبادلہء خیال کیا گیا،ملاقات میں وفاقی وزیر کشمیر، گلگت بلتستان و سرحدی امور انجینئر امیر مقام ، وفاقی وزیر پبلک افیئرز یونٹ رانا مبشر اقبال، وزیراعظم کے مشیر برائے سیاسی امور رانا ثناء اللہ ، وزیر مملکت برائے پاور عبدالرحمان کانجو اور وزیر اعظم کے معاون خصوصی برائے سیاسی امور طلحہ برکی بھی موجود تھے۔

یہ بھی پڑھیں :وزیراعظم آذربائیجان میں منعقدہ 17ویں اقتصادی تعاون تنظیم اجلاس میں شرکت کرینگے