پاک افغان ون ڈے سیریز22 سے 26 اگست تک سری لنکا میں کھیلی جائیگی

(حافظ شہباز )پاکستان اور افغانستان کے درمیان تین ون ڈے انٹرنیشنل میچوں کی سیریز 22 سے 26 اگست تک سری لنکا میں کھیلی جائے گی، افغانستان کرکٹ بورڈ نے اس سیریز کی تصدیق کردی ہے،یہ سیریز فیوچر ٹور پروگرام کا حصہ ہے۔ 
تفصیلات کے مطابق پاکستان اور افغانستان کے درمیان پہلا ون ڈے انٹرنیشنل 22 اگست کو ہمبنٹوٹا میں کھیلا جائے گا،دوسرا ون ڈے بھی 24 اگست کو ہمبنٹوٹا میں ہوگا ،کولمبو 26 اگست کو تیسرے اور آخری ون ڈے انٹرنیشنل کی میزبانی کرے گا۔
 پاکستان اسوقت آئی سی سی کی عالمی ون ڈے رینکنگ میں دوسرے نمبر پر ہے ، افغانستان کا نمبر آٹھواں ہے،پاکستانی ٹیم 17 اگست کو سری لنکا پہنچے گی ،انیس سے اکیس اگست تک ہمبنٹوٹا میں ٹریننگ کرے گی،سیریز کے بعد ٹیم 27 اگست کو وطن واپس روانہ ہوگی۔

یہ بھی پڑھیں:واٹس ایپ کا نیا فیچر کمال ہوگیا !