انگلش بلے باز ’الیکس ہیلز‘ اعظم خان کی پاور ہٹنگ کے دیوانے

(ویب ڈیسک) قومی کرکٹر اعظم خان کی پاور ہٹنگ نے الیکس ہیلز کو گرویدہ بنالیا۔

انٹرنیشنل لیگ (آئی ایل) ٹی ٹوئنٹی میں ڈیزرٹ وائپرز کی نمائندگی کرنے والے انگلش کرکٹر الیکس ہیلز نے ایک انٹرویومیں بتایا کہ نوجوان پاکستانی بیٹر اعظم خان بہترین ہٹرز میں سے ایک اور شاندار صلاحیتوں کے حامل ہیں، ان کی موجودگی سے ہماری ٹیم کی قوت بڑھ گئی۔

یہ بھی پڑھیں: ورلڈکپ میں ڈیوڈ وارنر کا کیچ ڈراپ کرنے کے بعد کیا ہوا؟ اسامہ میر نے دکھ بھری کہانی سنا دی

فٹنس کی وجہ سے رن آؤٹ ہونے کے سوال پر الیکس ہیلز نے کہا کہ میرے خیال میں انھیں کوئی مسئلہ نہیں، کرکٹ میں ایسا ہوجاتا ہے، اسی میچ کے دوران میں خود بھی رن آؤٹ ہونے سے بال بال بچا، اصل بات یہ ہے اعظم خان جیسی ہٹنگ بہت کم بیٹرز کرتے ہیں، میں ان کا مستقبل روشن دیکھ رہا ہوں۔