لیگی رہنما بلال یاسین پر فائرنگ۔۔۔صدر ن لیگ شہباز شریف نے بڑا بیان دیدیا

Dec 31, 2021 | 21:11:PM
بلال یاسین، فائرنگ کی مذمت، فائرنگ دہشتگردی ہے
کیپشن: شہباز شریف، فائل فوٹو
Stay tuned with 24 News HD Android App
Get it on Google Play

(24 نیوز)مسلم لیگ ن کے صدر شہبازشریف نے بلال یاسین پر فائرنگ کی مذمت کرتے ہوئے کہاہے کہ بلال یاسین پر فائرنگ دہشتگردی ہے ، مجرموں کو فی الفور گرفتار کرکے قانون کے مطابق سزا دی جائے۔

مسلم لیگ ن کی مرکزی نائب صدر مریم نوازنے اپنے ٹوئٹ میں کہاہے کہ بلال یاسین کے پیٹ اور ٹانگ پر گولیاں لگی ہیں،ڈاکٹرز نے کہاہے کہ بلال یاسین کی حالت خطرے سے باہر ہے۔

واضح رہے کہ مسلم لیگ ن کے رکن پنجاب اسمبلی بلال یاسین قاتلانہ حملے میں شدید زخمی ہو گئے ، بلال یاسین لیگی کارکن سے ملنے ان کے گھر گئے تھے کہ نامعلوم دو موٹر سائیکل سواروں نے ان کے گھر کے قریب موہنی روڈ  پر فائرنگ کردی، بلال یاسین کے بیٹے وہاب بلال نے کہاہے کہ بلال یاسین کو میوہسپتال ایمرجنسی منتقل کردیاگیا ۔آئی جی پنجاب اور سی سی پی او لاہور نے واقعہ کی رپورٹ طلب کرلی۔

 میوہسپتال کے ایم ایس کے مطابق بلال یاسین کو تین گولیاں لگی ہیں، دو گولیاں ان کے پیٹ میں اور ایک ٹانگ پر لگی ہیں، رکن پنجاب اسمبلی کو الٹراسائونڈ کے بعد آپریشن تھیٹر منتقل کر دیا گیا،ان کا کہناتھا کہ بلال یاسین کی حالت خطرے سے باہر ہے۔

یاد رہے کہ بلال یاسین سابق وزیراعظم نواز شریف کی اہلیہ کے بھانجے ہیں۔

یہ بھی پڑھیں: وزیراعظم عمران خان کی ای لنک کے ذریعے عدالت میں پیشی ،ویڈیو وائرل