نقدی نہیں تو کیا ہوا، بھکاری نے بھیک مانگنے کا جدید طریقہ اختیارکرلیا
Stay tuned with 24 News HD Android App
(ویب ڈیسک) نقدی نہیں تو کیا ہوا، بھارت میں بھکاری نے بھیک مانگنے کا جدید طریقہ اختیارکرلیا، حیرت انگیز ویڈیو سوشل میڈیا پر وائرل ہو گئی۔
دنیا بہت تیزی سے ڈیجیٹل دور میں منتقل ہورہی ہے لیکن کیا آپ نے کبھی سوچا ہوگا کہ ایک بھکاری بھی ڈیجیٹل بھیک مانگ سکتا ہے؟ ایسی ہی ایک ویڈیو سوشل میڈیو پر وائرل ہو رہی ہے جسے سب دیکھنے والوں کی جانب سے حیرت انگیز قرار دیا جا رہا ہے۔
بھارتی میڈیا رپورٹس کے مطابق ایک نابینا بھکاری بھیک مانگنے کیلئے گاڑی تک پہنچا تو دیکھا گیا کہ اس کی شرٹ پر کیو آر کوڈ پرنٹ تھا۔ بھکاری کار میں بیٹھے دو افراد کے پاس پہنچ کر ان سے کہتا ہے کہ اگر کیش نہیں ہے تو وہ اپنے فون سے ‘فون پے کارڈ’ کی بدولت 10 روپے دے سکتےہیں۔
مزید پڑھیں: ٹوبہ ٹیک سنگھ ماریہ قتل کیس: دوسرے بھائی سمیت بیوی گرفتار
گاڑی کے ڈرائیور نے بھکاری سے بات چیت کرتے ہوئے بھکاری کا موبائل لیا اور کیو آر کوڈ کو اسکین کرتے ہوئے پیسوں کو آن لائن ٹرانسفر کردیا۔ جس کے بعد رقم اسے دی گئی تو فقیر نے اپنا فون کان کے قریب لے جاکر نوٹفکیشن کی آواز سن کر اس کی تصدیق بھی کی۔
واضح رہے کہ دنیا بھر میں ٹائم کی بچت کرتے ہوئے کیو آر کوڈ کا استعمال کیا جاتا ہے، مختلف کیفے، کھانے پینے کی دکانوں اور شاپنگ مالز میں کیو آر کوڈ کی سہولت دستیاب ہوتی ہے۔