پی آئی اے کا 6 سال بعد لندن کیلئے پروازیں شروع کرنے کا اعلان

(24 نیوز)پاکستان انٹرنیشنل ایئرلائنز (پی آئی اے) نے 29 مارچ 2026 سے لندن کے لیے اپنی پروازیں دوبارہ شروع کرنے کا اعلان کیا ہے۔

یہ پروازیں چھ سال کے طویل وقفے کے بعد آپریٹ کی جائیں گی اور ہفتہ وار چار پروازیں اسلام آباد سے لندن ہیتھرو ائرپورٹ کے جدید ترین ٹرمینل 4 سے روانہ ہوں گی۔

لندن پی آئی اے کا سب سے پہلا بین الاقوامی اور انتہائی پرکشش روٹ ہے، اور اس سے پہلے ایئرلائن پہلے ہی مانچسٹر کے لیے ہفتہ وار تین پروازیں چلا رہی ہے۔

ذرائع کے مطابق پی آئی اے نے لندن ہیتھرو ایئرپورٹ میں چار ہفتہ وار پروازوں کے لیے منظوری حاصل کر لی ہے۔

 یہ سلاٹس اس دوران وقتی طور پر کسی اور غیر ملکی ایئرلائن کو دی گئی تھیں تاکہ مستقل طور پر واپس نہ لے لی جائیں۔

مزید پڑھیں:”ایک سال …کئی کارنامے“وزیراعلیٰ پنجاب نے سب سے بڑی ٹریکٹر سکیم کا ریکارڈ قائم کر دیا

اب قوانین میں نرمی آنے کے بعد ایئرلائن نے ہیئتھرو حکام کو مارچ 2026 سے پروازیں دوبارہ شروع کرنے کے اپنے ارادے سے آگاہ کر دیا ہے۔

 لندن کا یہ روٹ پاکستانی تارکین وطن اور کاروباری مسافروں کے لیے ہمیشہ سے اہم اور انتہائی طلب والا رہا ہے۔

ایوی ایشن ماہرین کے مطابق ہیتھروپر پروازیں دوبارہ شروع کرنا پی آئی اے کی ساکھ اور تجارتی مواقع کے لیے بھی فائدہ مند ہوگا۔

اس سے مسافروں کے لیے یورپ اور شمالی امریکہ میں آگے کے سفر کے مواقع بھی بہتر ہوں گے۔

پی آئی اے نے ابھی لندن روٹ کے لیے تفصیلی شیڈول یا طیاروں کی قسم کا اعلان نہیں کیا۔

 امکان ہے کہ وسیع جسم والے طیارے اس میں استعمال ہوں گے۔

 یہ اعلان پی آئی اے کی جزوی نجکاری کے بعد سامنے آیا ہے۔