بجلی کے بڑھتے بل، فلپائن میں سولر پینلز کی خریداری میں ریکارڈ اضافہ

( ویب ڈیسک ) فلپائن میں بجلی کی بڑھتی ہوئی قیمتوں کے باعث عوام بڑی تعداد میں شمسی توانائی   کی طرف منتقل ہو رہے ہیں، جس کے نتیجے میں ملک دنیا کی سب سے بڑی سولر مارکیٹوں میں شامل ہو گیا ہے۔

رپورٹ کے مطابق ایران جنگ کے بعد توانائی کی عالمی صورتحال اور مقامی سطح پر بجلی کے بڑھتے بلوں نے گھریلو صارفین کو متبادل توانائی ذرائع اپنانے پر مجبور کیا ہے۔ بجلی کے بل اب اوسط گھریلو آمدنی کا تقریباً 12 فیصد تک پہنچ چکے ہیں۔

توانائی کمپنیوں کے مطابق فلپائن میں سولر پینلز کی درآمدات میں نمایاں اضافہ ہوا ہے، اور صرف تین ماہ میں درآمدات 407 ملین ڈالر تک پہنچ گئیں، جو گزشتہ سال کے مقابلے میں 145 فیصد زیادہ ہے۔

 یہ بھی پڑھیں:ڈیزل 257 ،پیٹرول 199 روپے فی لیٹر! قیمتوں سے متعلق اہم خبر آگئی

ماہرین کے مطابق آئندہ دو سالوں میں فلپائن میں تقسیم شدہ سولر توانائی کی صلاحیت تقریباً تین گنا بڑھ سکتی ہے، کیونکہ سولر سسٹمز کی لاگت کی واپسی کا وقت بھی کم ہو کر تقریباً 3 سال رہ گیا ہے۔

تاہم ماہرین نے خبردار کیا ہے کہ زیادہ طلب کے باوجود تنصیب کی رفتار سست ہے، جس کی وجہ آلات کی قلت، قیمتوں میں اتار چڑھاؤ اور معیار کی جانچ کے مسائل ہیں۔ اس کے باوجود حکومت کی جانب سے نرم قرضوں اور مالی معاونت کے اقدامات سولر انرجی کو مزید فروغ دے رہے ہیں۔