کترینہ کیف کو اپنی خواہش کا اظہار اکشے کمار سے کرنا مہنگا پڑگیا

(مانیٹر نگ  ڈیسک)بالی وڈ انڈسٹری کے معروف اداکار اکشے کمار جن کا شمار ایسے اداکارؤں میں ہوتا ہے جنہوں نے بالی ووڈ کو ایسی کامیاب فلمیں دیں جو کہ آج بھی سنیما گھروں کی زینت بن رہی ہیں، ان کی  اداکارہ کترینہ کیف کے ساتھ متعدد فلمیں سامنے آچکی ہیں، اداکارہ نے ایک یادگار واقعہ کا ذکر کیا کہ ایک بار اکشے نےمجھےتھپڑ مارنے کی کوشش کی۔

تفصیلات کے مطابق اکشے کمار اورکترینہ کیف کی جوڑی اور ان کے آپس کے تعلقات بھی کسی سے ڈھکے چھپے نہیں۔اس جوڑی نے فلمی سکرین پر کئی ہٹ فلموں مثلاً ویلکم، نمستے لندن اور سنگھ از کنگ میں بہترین انداز میں پرفارم کرکے خود کو بطور فلمی جوڑی منوایا۔

اپنے ایک انٹرویو میں اداکارہ کترینہ کیف نے بتایا کہ ایک بار اکشے نے میری ایک خواہش پر مجھے کہا کہ کیا تم تھپڑ کھانا چاہتی ہو؟

بات کی وضاحت کرتے ہوئے اداکارہ کا کہناتھا کہ وہ چاہتی تھیں کہ اکشے کمار کو راکھی باندھ کر اپنا بھائی بنائیں۔انہوں نےفلم ’شیلا کی جوانی‘ سے ’تیس مار خان‘ کی شوٹنگ تک راکھی باندھنے کی بہت کوشش کی مگر اس میں ناکام رہیں۔اس کے بعد میں خاموش ہوگئی اور بات کو ادھر ہی ختم کرکے اپنے پروجیکٹ کی طرف دھیان دیا۔

یہ بھی پڑھیں:اداکارہ علیزے شاہ، ریشم کے ڈانس کی ویڈیو سامنے آگئی