مودی نے پہلگام حملے کا جواب دینے کیلئے بھارتی فوج کو ’فری ہینڈ‘ دے دیا

(24نیوز ) بھارتی وزیر اعظم نریندر مودی نے مسلح افواج کو پہلگام  حملے پر ہندوستان کے ردعمل کا 'موڈ، ٹائمنگ اور ہدف' طے کرنے کی مکمل آزادی دی۔ 

تفصیلات کے مطابق  بھارت  کی جانب سے   پاکستان پر الزام لگانے کے بعد بھارتی وزیر اعظم نریندر مودی نے اپنی فوج کو کشمیر میں گزشتہ ہفتے کے حملے کا جواب دینے کے لیے "آپریشنل آزادی  دے دی ہے۔

مودی نے منگل کو ایک بند کمرے کی میٹنگ میں فوج اور سیکورٹی کے سربراہوں سے کہا کہ مسلح افواج کو  کشمیر میں شہریوں پر دہشت گردانہ حملے کے بارے میں ہمارے ردعمل کے موڈ،اہداف اور وقت کے بارے میں فیصلہ کرنے کی مکمل آپریشنل آزادی ہے ،مودی نے یہ بھی کہا کہ یہ ہندوستان کا دہشت گردی کو کرشنگ ضرب سے نمٹنے کا قومی عزم  ہے۔

خیال رہے کہ حکومتی ارکان کو میڈیا سے بات کرنے کا اختیار نہیں تھا لیکن مودی کے تبصروں کی رپورٹس ہندوستان کے کئی بڑے اخبارات میں شائع ہونے والی رپورٹس سے ملتی ہیں،جوہری ہتھیاروں سے لیس پڑوسیوں کے درمیان تعلقات اس وقت تنزلی کا شکار ہو گئے جب بھارت نے پاکستان پر الزام لگایا کہ وہ 22 اپریل کو بھارت کے زیر انتظام کشمیر میں شہریوں پر برسوں کے مہلک ترین حملے کی پشت پناہی کر رہا ہے  جس میں 26 افراد ہلاک ہو گئے تھے۔

پاکستان کی جانب سے اس الزام کو مسترد کر دیا گیا اور اس کے بعد سے دونوں ممالک نے کشمیر میں فائرنگ کا تبادلہ کیا، سفارتی باربس کیے، شہریوں کو بے دخل کیا اور سرحد بند کرنے کا حکم دیا۔

یہ بھی پڑھیں : آبی جارحیت،ایسی حکومت چاہئے جو بھارت کوعالمی عدالت انصاف میں لےجاسکے،عمران خان