وزیر مملکت حنا ربانی کھر کی امریکی رکن کانگریس الہان ​​عمر سے ملاقات

Sep 28, 2022 | 16:17:PM
 حنا ربانی کھر ,24 نیوز,وزیر مملکت , گرین ہاؤس , الہان ​​عمر ,24 نیوز
کیپشن: حنا ربانی کھر کی الہان عمر سے ملااقات
Stay tuned with 24 News HD Android App
Get it on Google Play

(24 نیوز)وزیر مملکت برائے خارجہ  حنا ربانی کھر کی امریکی رکن کانگریس الہان ​​عمر سے ملاقات۔ دونوں فریقوں نے زراعت اور موسمیاتی تبدیلی سمیت متنوع شعبوں میں مستقل شمولیت کی ضرورت پر تبادلہ خیال کیا۔

وزیر مملکت نے کانگریس کی رکن کو پاکستان میں موسمیاتی سیلاب سے ہونے والی وسیع تباہی سے آگاہ کیا۔ وزیر مملکت نے امریکی حکومت کی طرف سے فراہم کی جانے والی بروقت امداد کو سراہا۔

حنا ربانی کھر نے کہا کہ امریکی کانگریس کمزور ممالک کو موسمیاتی بحران سے نمٹنے میں مدد دینے میں اہم کردار ادا کر سکتی ہے۔ پاکستان کو بہتر، سرسبز و شاداب اور لچکدار انداز میں تعمیر کرنے میں مدد کے لیے امریکہ اور بین الاقوامی برادری سے اضافی مدد درکار ہوگی۔ گرین ہاؤس گیسوں کے سب سے کم اخراج کرنے والے ممالک میں سے ایک ہونے کے باوجود پاکستان کو موسمیاتی تبدیلیوں کا سب سے بڑا نقصان اٹھانا پڑ رہا ہے۔

ان کا مزید کہنا تھا کہ عالمی برادری کو موسمیاتی بحران کے بوجھ کو مساوی طور پر بانٹنا چاہیے۔ موسمیاتی بحران ایک عالمی چیلنج ہے جس کے لیے عالمی ردعمل اور اجتماعی کارروائی کی ضرورت ہے۔ الہان عمر نے غیر معمولی سیلاب سے ہونے والے جانی نقصان اور تباہی پر اظہار ہمدردی کیا۔ الہان عمرنے تباہ کن سیلاب سے نمٹنے کے لیے پاکستان کو مزید امداد کی فراہمی کے لیے اپنے تعاون کا یقین دلایا۔