اسمبلیوں سے استعفوں کا معاملہ ، سردار یار محمد رند کا پارٹی چھوڑنے کا عندیہ 

(24 نیوز)اسمبلیوں سے استعفوں کے معاملے پر پی ٹی آئی بلوچستان اسمبلی میں اختلافات پیدا ہو گئے، رکن اسمبلی سردار یار محمد رند نے پارٹی چھوڑنے کا عندیہ دیدیا۔
تفصیلات کے مطابق 26 نومبر کو راولپنڈی میں جلسہ عام سے خطاب کرتے ہوئے عمران خان نے کہا تھا کہ تحریک انصاف نے تمام اسمبلیوں سے استعفے دینے کافیصلہ کیا ہے، ہم کرپٹ نظام کا مزید حصہ نہیں بنیں گے، ان کاکہناتھا کہ اپنے وزرائے اعلیٰ سے بات کی ہے، پارلیمانی پارٹی سے میٹنگ کروں گا،پارلیمانی پارٹی سے مشاورت کے بعد استعفوں کی تاریخ کا اعلان کروں گا۔
عمران خان کے اسمبلیوں سے استعفے دینے کے معاملے پر تحریک انصاف کے بلوچستان کے ارکان اسمبلی میں اختلافات سامنے آگئے، رکن اسمبلی سردار یار محمد رند نے پی ٹی آئی سے علیحدگی کاعندیہ دیدیا۔

یہ بھی پڑھیں: عالمی مارکیٹ میں خام تیل اور گیس کی قیمتوں میں مسلسل گراوٹ