عمران خان کا حلیم عادل کی گرفتاری پر ردعمل

(ویب ڈیسک )چیئرمین تحریک انصاف عمران خان نے اپوزیشن لیڈر سندھ اسمبلی حلیم عادل شیخ کی گرفتاری کی مذمت کرتے ہوئے ایک بار پھر سیاسی مخالفین کو تنقید کا نشانہ بنایا ہے۔

تفصیلات کے مطابق سوشل میڈیا پر جاری بیان میں عمران خان نے کہا کہ سندھ حکومت کی جانب سے قائدِ حزب اختلاف حلیم عادل شیخ کی گرفتاری کی شدید مذمت کرتا ہوں۔انہوں نے مزید کہا کہ یہ کھلی فسطائیت ہے جس سے زرداری و شریف مافیاز کی ذہنیت جھلکتی ہے کہ جسے خرید نہ سکو اسے مٹا دو، ایک جمہوری سماج میں یہ ہتھکنڈے قطعی طور پر ناقابلِ قبول ہیں۔

Strongly condemn persecution & arrest of Sindh Opposition leader Haleem Adil Sheikh by Sindh govt. This is pure fascism, reflecting the Zardari-Sharif mafia's approach of eliminating those they cannot purchase & it is absolutely unacceptable in any democracy.

— Imran Khan (@ImranKhanPTI) July 28, 2022

عمران خان نے مزید کہا کہ میں نے پنجاب حکومت کو جنوبی پنجاب کے تباہ حال اور ضلع میانوالی کے متاثرہ علاقوں میں سیلاب زدگان کی فوری مدد کی ہدایت کی ہے۔چیئرمین تحریک انصاف نے مزید کہا کہ اس کے ساتھ میں نے خیبر پختونخوا حکومت کو بھی بلوچستان میں سیلاب سے متاثرہ آبادی کے لیے امدادی سامان کی فوری ترسیل کی ہدایت کی ہے۔

I have called on govt of Punjab to immediately provide flood assistance to ppl in the devasted areas of South Punjab & in the affected areas of Mianwali distt. I have also asked the KP govt to immed provide flood relief to the ppl in affected areas of Balochistan.

— Imran Khan (@ImranKhanPTI) July 28, 2022