لندن سے جنوبی کوریا جانیوالے 3 افراد میں نئی قسم کے وائرس کی تصدیق 

Dec 28, 2020 | 15:08:PM
لندن سے جنوبی کوریا جانیوالے 3 افراد میں نئی قسم کے وائرس کی تصدیق 
Stay tuned with 24 News HD Android App
Get it on Google Play

(24نیوز)غیر ملکی خبر ایجنسی کے مطابق لندن سے جنوبی کوریا جانے والے 3 افراد میں نئی قسم کے وائرس کی تصدیق ہوگئی ہے۔امریکا میں دسمبر کے مہینے میں کورونا سے ریکارڈ 63 ہزار اموات رپورٹ ہوئیں جبکہ سب سے زیادہ متاثرہ ریاست کیلی فورنیا میں کورونا کیسز 20 لاکھ سے بڑھ گئے ہیں۔

تفصیلات کے مطابق امریکا کی مختلف ریاستوں میں چھٹیوں کے بعد کورونا کیسز میں اضافہ کر دیا گیا ہے۔اسرائیل میں تیسری دفعہ لاک ڈاؤن نافذ کر دیا گیا ہے جبکہ پاناما میں کورونا کیسز بڑھنے پر 2 صوبوں میں لاک ڈاؤن میں توسیع کر دی گئی ہے۔اٹلی میں کورونا کیسز کے مثبت نتائج آنےکی شرح میں 5 دنوں میں مسلسل اضافہ دیکھنے میں آیا ہے اور کورونا کیسز 20 لاکھ 47 ہزار 700 تک پہنچ گئے ہیں جبکہ جنوبی افریقا میں کورونا کیسز 10 لاکھ سے تجاوز کر گئے ہیں۔

برازیل کے نائب صدر کورونا وائرس میں مبتلا ہو گئے ہیں جبکہ برازیل میں کورونا کیسز کی تعداد 74 لاکھ 84 ہزار 285 اور اموات ایک لاکھ 91 ہزار 146 تک پہنچ گئی ہے۔سڈنی میں نئے سال کے جشن سے قبل بڑے اجتماعات پر پابندی ہے، سڈنی میں شہریوں کو نئے سال کے موقع پر آتش بازی گھر بیٹھ کر دیکھنے کی ہدایت کی گئی ہے۔