بلوچستان سے باہر گندم کی غیر مجاز ترسیل پر پابندی
Stay tuned with 24 News HD Android App
(ویب ڈیسک)بلوچستان سے باہر گندم کی غیر مجاز نقل و حمل پر 2 ماہ کے لیے پابندی عائد کردی گئی۔
صوبائی محکمہ داخلہ کے مطابق گندم کی غیر مجاز نقل و حمل اور ذخیرہ اندوزی روکنے کے لیے دفعہ 144 نافذ کردی گئی ہے، مقررہ حد سے زائد گندم ذخیرہ کرنے، چھپانے یا غیر قانونی اسٹاک رکھنا جرم ہوگا۔
محکمہ داخلہ کے مطابق یہ اقدام گندم کی دستیابی، خریداری اور مارکیٹ میں استحکام برقرار رکھنے کے لیے کیا گیا ہے، ڈپٹی کمشنرز کو سرحدی راستوں پر مشترکہ چیک پوسٹیں قائم کرنے کی ہدایت کی گئی ہے۔
ضلعی انتظامیہ کو مشتبہ گوداموں کی تلاشی اور ٹرانسپورٹ دستاویزات کی جانچ کرنے کی بھی ہدایت دی گئی ہے۔
یہ بھی پڑھیں:امتحانی مراکز میں جعلی امیدواروں کا داخلہ ناممکن ،طلبا کیلئے بائیو میٹرک تصدیق لازمی قرار
محکمہ داخلہ بلوچستان نے غیر قانونی گندم ضبط کر کے ذمہ داران کے خلاف کارروائی کرنے کی ہدایت کی ہے۔