لیڈی ولنگٹن ہسپتال میں سی سیکشن کے دوران ڈاکٹروں کی غفلت 

(24 نیوز )لاہور کے لیڈی ولنگڈن ہسپتال میں مریضہ کے سی سیکشن کے معاملے پر ڈاکٹرز کی ٹیموں کے درمیان مبینہ جلد بازی اور غیر پیشہ ورانہ رویے کی ویڈیو سامنے آنے کے بعد انتظامیہ نے انکوائری کا حکم دے دیا .

 وائرل ویڈیو میں دیکھا جا سکتا ہے کہ ہسپتال میں ڈاکٹرز کی مختلف ٹیمیں مریضہ کا سی سیکشن پہلے کرنے کے لیے جلد بازی کا مظاہرہ کر رہی ہیں، جس پر سنگین سوالات اُٹھ گئے ہیں۔

مریضہ کا سی سیکشن پہلے کون کرے گا؟ لیڈی ویلنگڈن اسپتال کے ڈاکٹرز کی ٹیموں نے ریس لگالی

ویڈیو میں دیکھا جاسکتا ہے کہ ڈاکٹرز پر مشتمل ٹیمیں سی سیکشن کرنے کے لیے کیسے جلدبازی کررہی ہیں pic.twitter.com/c4WvHpoPNG

— Arif Malik (@arifawan779) March 27, 2026

ویڈیو میں یہ بھی واضح ہے کہ اس دوران مریضوں کی پرائیویسی اور پردہ داری کو نظر انداز کیا گیاجبکہ ڈاکٹرز کی جانب سے موبائل فون کے استعمال پر عائد پابندی کی بھی خلاف ورزی کی گئی،ذرائع کے مطابق اس طرح کی مبینہ غفلت مریضوں کے لیے جان لیوا ثابت ہو سکتی ہے، جس پر طبی حلقوں میں تشویش پائی جا رہی ہے۔

 واقعے کے بعد ہسپتال کی میڈیکل سپرنٹنڈنٹ ڈاکٹر فرح نے فوری نوٹس لیتے ہوئے انکوائری کمیٹی تشکیل دینے کا اعلان کیا ہے، ایم ایس کا کہنا ہے کہ ویڈیو کے تمام پہلوؤں کا جائزہ لیا جائے گا اور ذمہ داروں کے خلاف سخت قانونی کارروائی عمل میں لائی جائے گی۔

یہ بھی پڑھیں :سوڈان میں ہسپتال پر حملہ، 13 بچوں سمیت 64 افراد جاں بحق